Як спяваюць беларусы

Источник материала:

Грамадска-культурная акцыя, якая стартавала сёлета, арганiзаваная з мэтай прапаганды ў краiне i за яе межамi духоўных i культурных каштоўнасцяў беларускага народа, дасягненняў сучаснага беларускага мастацтва — музычнага, харэаграфiчнага, эстраднага i тэатральнага, а таксама з мэтай паляпшэння культурнага абслугоўвання жыхароў у рэгiёнах, стварэння станоўчага iмiджу Беларусi. Праводзяць яе пры падтрымцы кiраўнiка дзяржавы Мiнiстэрства культуры, абласныя i Мiнскi гарадскi выканаўчы камiтэт, а таксама лепшыя творчыя сiлы Беларусi.

Першы этап акцыi "Мы — беларусы!", нагадаем, доўжыўся з сакавiка па лiпень гэтага года i фiнiшаваў у Мiнску гала-канцэртам у Дзень Незалежнасцi. Акрамя таго, на працягу года канцэрты майстроў мастацтваў Беларусi адбывалiся за межамi рэспублiкi — у Санкт-Пецярбургу, Маскве, Рызе, Вiльнюсе, Гданьску.

Рэжысёрам-пастаноўшчыкам заключнага гала-канцэрта ў сталiцы з’яўляецца Вячаслаў Панiн. У музычным шоу, якое папярэдне разлiчана на 5 гадзiн, возьмуць удзел Ірына Дарафеева, Якаў Навуменка, Аляксандр Цiхановiч i Ядвiга Паплаўская, Анжалiка Агурбаш, Жанэт, гурты "Палац", "Да Вiнчы", iншыя вядомыя артысты i калектывы — усяго ў праграме чакаецца каля паўсотнi канцэртных нумароў. Па традыцыi, у канцэрце прагучыць дзяржаўны гiмн Беларусi, якi выканае зборны хор прафесiйных i аматарскiх калектываў рэспублiкi ў складзе прыкладна 300 чалавек. Пачуць i ўбачыць гала-канцэрт акцыi "Мы — беларусы!" змогуць адначасова прыкладна 10—15 тысяч гледачоў — на такую колькасць публiкi разлiчаная пляцоўка ў аэрапорце "Мiнск-1".