Банкаўская сістэма працуе стабiльна

Источник материала:

Банкаўская сiстэма Беларусi ва ўмовах сусветнага фiнансавага крызiсу працуе стабiльна. Аб гэтым паведамiў на прэс-канферэнцыi начальнiк упраўлення iнфармацыi Нацбанка Анатоль Драздоў.

"Крызiс — гэта калi нечым плацiць, калi разараюцца банкi, спiсваюцца вялiкiя фiнансавыя страты. Такога ў Беларусi не адбываецца, значыць няма i фiнансавага крызiсу", — сказаў ён.

Прадстаўнiк Нацбанка таксама адзначыў, што на сённяшнi дзень беларускiя банкi не панеслi прамых страт у адрозненне ад 1998 года, iснуе дастатковы памер золатавалютных рэзерваў. "У гэты крызiс мы ўвайшлi зусiм у iншай сiтуацыi, таму i глядзiм у будучыню з аптымiзмам", — падкрэслiў Анатоль Драздоў.

Адзiнае абмежаванне на валютным рынку рэспублiкi ў сувязi з сусветным фiнансавым крызiсам уведзена пастановай Нацбанка № 165 i датычыцца забароны на перадаплату па iмпартных кантрактах. З аднаго боку, гандлёвыя партнёры беларускiх прадпрыемстваў просяць адтэрмiноўку па плацяжах за набываемую прадукцыю ад 1 да 6 месяцаў, адначасова пастаўшчыкi прадукцыi просяць перадаплату за пастаўляемыя ў Беларусь тавары. "Атрымлiваецца, небагатая Беларусь павiнна дапамагаць краiнам — знешнегандлёвым партнёрам выходзiць з крызiсу", — адзначыў Анатоль Драздоў. Уведзеная мера з’яўляецца нармальнай практыкай, дадаў ён. Што датычыцца якiх-небудзь iншых абмежаванняў на валютным рынку, то цяпер такiя меры прымаць не плануецца.

У Беларусi поўнасцю задавальняецца попыт на валюту ў абменных пунктах, i такая сiтуацыя захаваецца ў далейшым. Аб гэтым паведамiў на прэс-канферэнцыi начальнiк упраўлення iнфармацыi Нацбанка Анатоль Драздоў.

"Цяпер на наяўным валютным рынку няма нiякiх абмежаванняў, i нiхто ўводзiць iх не збiраецца. Па гэтай пазiцыi банкi нiхто абмяжоўваць не будзе", — сказаў ён.

Курс долара да беларускага рубля да канца гэтага года будзе вытрыманы ў рамках прагнозу ад Br2100 да Br2200 за адзiн долар. Пры гэтым Анатоль Драздоў адзначыў, што даць гарантыi, што ён будзе Br2200, а не Br2100 нiхто не можа, паколькi сiтуацыя на знешнiх рынках змяняецца. "Знiжэнне курсу долара прагназуюць зiмой будучага года, а раптам ён патаннее раней, у снежнi. Гэтага нiхто не ведае, мы арыентуемся на сiтуацыю ў свеце", — дадаў прадстаўнiк Нацбанка.

Анатоль Драздоў таксама нагадаў, што ў Беларусi не плануецца ўводзiць забарону на датэрмiновае зняцце ўкладаў. "Сёння ў нас такога абмежавання няма, i гэта прапiсана ў Банкаўскiм кодэксе, — сказаў ён. — У выпадку ўвядзення такой забароны давялося б змяняць кодэкс. Нацбанк да гэтага ставiцца адмоўна".

Аб гэтым заявiў першы намеснiк мiнiстра гандлю Мiхаiл Свянцiцкi.

"Мы будзем вельмi жорстка кантраляваць сiтуацыю на спажывецкiм рынку, каб не дапусцiць нiякiх збояў у пастаўках тавараў насельнiцтву", — сказаў Мiхаiл Свянцiцкi, каментуючы рашэнне праўлення Нацыянальнага банка Беларусi выдаваць дазволы на пералiчэнне плацяжоў для разлiкаў па iмпарту. Першы намеснiк мiнiстра таксама адзначыў, што "ў выпадках, калi цяжкасцi з iмпартам будуць узнiкаць яўна, мы будзем выходзiць на кантакт з банкамi, каб пастаўкi ў абавязковым парадку фiнансавалiся".

Што датычыцца крытычнага iмпарту, то ў гэтым выпадку iснуе поўнае разуменне з Нацыянальным банкам, iншымi банкамi, што пастаўкi павiнны крэдытавацца ў поўным аб’ёме, як i раней. "Аднак адносна пэўнага пералiку тавараў, што вырабляюцца ў рэспублiцы, такiя меры будуць прымацца", — дадаў Мiхаiл Свянцiцкi.

Галоўны банк дазволiў гэтым фiнансавым установам прыцягваць грашовыя сродкi фiзiчных асобаў ва ўклады (дэпазiты), адкрываць i весцi iх банкаўскiя рахункi. Акрамя таго, "Беларускi Iндустрыяльны банк" атрымаў дазвол i на выпуск у абарачэнне банкаўскiх пластыкавых картак. Мiж iншым у ААТ "Беларускi iндустрыяльны банк" нарматыўны капiтал склаў у эквiваленце 12 мiльёнаў еўра, у ЗАТ "Сомбелбанк" — 13,4 мiльёна еўра.