Не пагулялі

Источник материала:

У в. Вышэвiчы Пiнскага раёна супрацоўнiкi мiлiцыi i дзяржкантролю выявiлi нечаканую кантрабанду.

Зазiрнулi да аднаго жыхара ў хату, а там — 26 гульнявых аўтаматаў без дакументаў.

Тавар на суму 50 мiльёнаў рублёў канфiскаваны.

Усё пачалося з сумеснага прыродаахоўнага рэйду, падчас якога работнiкi Магiлёўскай аблiнспекцыi разам з супрацоўнiкам Бялынiцкага лясгаса знайшлi тушу дзiка-сяголетка. На месца выклiкалi следча-аператыўную групу Бялынiцкага РАУС.

Падчас праследавання па слядах парушальнiка было знойдзена выкiнутае iм паляўнiчае ружжо ТОЗ-БМ. Калi сляды вывелi да дома непрацуючага грамадзянiна, супрацоўнiкi мiлiцыi правялi вобыск. У вынiку было знойдзена паляўнiчае ружжо ІЖ-17, боепрыпасы да яго, самаробная малакалiберная вiнтоўка з аптычным прыцэлам i боепрыпасамi, самаробны шротавы пiсталет, патрон да пiсталета ТТ, два патроны неўстаноўленай прыналежнасцi да наразной зброi, трацiлавая шашка. Уся канфiскаваная зброя была незарэгiстраванай. Бялынiцкiм РАУС узбуджана крымiнальная справа.

У мiнулую нядзелю а палове дзявятай вечара на саракагадовую брастаўчанку каля парога дома па вулiцы Машэнскага напаў рабаўнiк i выхапiў з рук сумачку, дзе былi дакументы i 600 тысяч рублёў. Але 24-гадовы нягоднiк быў затрыманы нарадам аховы па гарачых слядах. А днём раней у Маларыце абрабавалi мужчыну на вулiцы Лермантава двое раней судзiмых, сiлай адабралi 200 тысяч рублёў i 1 тысячу долараў. Аднаго з рабаўнiкоў ужо затрымалi, другога шукаюць праваахоўнiкi.