Вялікая трагедыя сектара Газа

Источник материала:

Ён таксама паведамiў некаторыя трагiчныя вынiкi i лiчбы трохтыднёвых сутыкненняў. Паводле слоў пасла, было забiта 1300 чалавек i паранена больш за 6000, пераважна мiрных жыхароў. Сярод ахвяраў шмат жанчын, дзяцей i старых. Шмат выпадкаў, калi палесцiнцы гiнулi цэлымi сем’ямi. Сотнi людзей моцна пацярпелi ад фосфарных бомбаў, якiя забаронены мiжнародным правам. З гэтай нагоды Палесцiна звярнулася са скаргамi ў мiжнародныя арганiзацыi i структуры. У прыватнасцi, камiсii ААН па правах чалавека ў Жэневе ўжо перададзеныя неабходныя дакументы.

Матэрыяльны ўрон ад бамбардзiровак i артылерыйскiх абстрэлаў склаў па мерках сектара Газа астранамiчную суму — больш за два мiльярды долараў ЗША. Былi разбураны ўшчэнт амаль 10 тысяч дамоў. Гэта пераважна жыллё. Таксама зруйнавана 13 мячэцяў, шмат крамаў, школ, унiверсiтэтаў, навучальных устаноў, аб’ектаў аховы здароўя, аўтамабiльных заправак i iншых збудаванняў, якiя не маюць нiякiх адносiнаў да ваеннай iнфраструктуры. Не пазбеглi бамбардзiровак установы ААН, дзе ў час авiяналётаў хавалiся жанчыны i дзецi, захоўвалася гуманiтарная дапамога, у тым лiку прадукты харчавання.

У пацвярджэнне сваiх слоў Мунтасер Абу Зейд прадэманстраваў фотаздымкi з месцаў жудасных разбурэнняў. Цяжка было глядзець на забiтых i знявечаных палесцiнцаў, пакарабачаныя глыбы бетону i металу.

На думку Мунтасера Абу Зейда, да ўсталявання сапраўднага мiру ў сектары Газа яшчэ далёка. Так, Iзраiль спынiў агонь, але свае танкi не вывеў з тэрыторыi сектара. Адказнасць за неўрэгуляванне палесцiна-iзраiльскага канфлiкту Мунтасер Абу Зейд усклаў на Злучаныя Штаты Амерыкi, якiя тармозяць выкананне адпаведных рэзалюцый ААН.