Дванаццаціпудовага бычка

Источник материала:

спрабаваў вывезцi на прыгарадным цягнiку жыхар Хойнiкаў 50-гадовага ўзросту, якi нiдзе не працаваў. А калi дакладней, дык 185 кiлаграмаў ялавiчыны. А тут — мiлiцыя, якая i затрымала яго. На пытанне "дзе ўзяў?" мужык доўга не выкручваўся. Прызнаўся, што разам з двума сябрукамi ўкраў мяса з ахоўваемай тэрыторыi мясцовага спажывецкага таварыства.

У пас. Мухавец Брэсцкага раёна мiлiцыя затрымала беспрацоўнага з Украiны, якi на "Мерседэсе" перавозiў 2170 кг цяляцiны. Дакументаў на мяса, коштам каля 24 млн рублёў, не было i яго канфiскавалi. А ў доме жыхаркi в. Павiцце Кобрынскага раёна знайшлi гарэлку ўкраiнскай вытворчасцi без акцызных марак Беларусi. Прыхаваная "Хорцiца" пацягнула на 10 мiльёнаў.

Каб хутчэй трапiць у спiсы курсантаў аўташколы i атрымаць вадзiцельскае пасведчанне, жыхарка Баранавiчаў заплацiла знаёмаму хлопцу 980 тыс. рублёў. Ён паабяцаў за гэтыя грошы ўладкаваць жанчыну на вучобу. Хлопец грошы ўзяў i знiк. Праз месяц даверлiвая пайшла скардзiцца ў мiлiцыю. Маўляў, нi грошай, нi вучобы.

25-гадовы непрацуючы жыхар Маладзечна, якi знаходзiўся за рулём "Фольксвагена", не змог размiнуцца з аўтамабiлем "Мазда", i машыны сутыкнулiся. Пасля гэтага "Мазда" выехала на паласу сустрэчнага руху, па якой ехаў аўтамабiль "МАН" са сталiчным жыхаром за рулём. У вынiку ДТЗ пацярпеў вадзiцель аўтамабiля "МАН" — ён змешчаны ў бальнiцу, а двое яго пасажыраў, таксама мiнчане, загiнулi.