ДАБРАВЕШЧАННЕ, дабраВЕСНIК, ЗВЕСТАВАННЕ

Источник материала:

l Паўсюдна лiчылася, што працаваць у дзень Дабравешчання вялiкi грэх: "На Дабравешчанне птушка гнязда не ўе, дзеўка косу не пляце", "На Дабравешчанне i воран гнязда не будуе", "Зязюля без гнязда за тое, што пачала яго на Дабравешчанне", "На Дабравешчанне нават i птушка пярынкi не занясе на гняздо".

l "Як Дабравешчанне правядзеш, так i будзеш цэлы год жыць. Калi ў гэты дзень будзеш здаровы, сыты, апрануты i з грашыма, то ўсё гэта будзе разам з табой на працягу года" — сведчыць народная мудрасць.

l Прадказаннем таго, што дачка выйдзе замуж у гэтым годзе, была прысутнасць дома ўсiх членаў сям’i; асаблiвай забаронай было запрашэнне ў гэты дзень дадому староннiх дзяўчат i жанчын.

l "Хто на Дабравешчанне з ранiцы да ночы назаве мужа сорак разоў "мiлы", увесь год для яго любiмай будзе" — такiмi дзеяннямi iмкнулiся захаваць i выправiць сямейныя ўзаемаадносiны.

l На Дабравешчанне забаранялася месцi падлогу ў хаце i палiць у печы.

l Нельга на Дабравешчанне прасiць пазыкi. Той, хто штосьцi аддаў з хаты на Дабравешчанне (не абвязкова грошы), аддаў спакой i здароўе.

l Сярод некаторых сялян iснавала павер’е, што Дабравешчанне — "благi дзень", таму што ў гэты дзень часцей за ўсё адбываюцца сваркi, розныя непрыемнасцi. Таму ў гэты дзень трэба быць надзвычай стрыманымi i асцярожнымi ў адносiнах памiж сабой.

l На Дабравешчанне забаранялася ставiць плот, месцi вулiцу, кранаць зямлю. Аднавяскоўцы пiльна сачылi за гэтым, таму што лiчылi, што такiя парушэннi выклiкаюць халодную вясну i сухое лета.

l Каб бульба добра захоўвалася на працягу зiмы, ведалi, што засыпаць яе ў склеп неабходна ў той дзень тыдня, на якi ў гэтым годзе прыпадала Дабравешчанне.

l У той жа час у той дзень, на якi прыпадала Дабравешчанне, нельга першы раз выганяць жывёлу ў поле, вывозiць гной на поле, першы раз араць зямлю, сеяць.

Дабравешчанне — посны дзень. Тых жанчын, якiя пяклi i смажылi, гатавалi тлустую ежу ў гэты дзень, аблiвалi вадой, таму што меркавалi: "калi смажыць на Дабравешчанне, то лета будзе гарачае, сухое".

l У Беларусi паўсюдна гэты дзень лiчыцца днём прылёту буслоў. Абавязкова пяклi "галёпы" — пшанiчныя караваi ў выглядзе бусла.