На абiтурыентах зноў спрабуюць зарабiць

Источник материала:

Гэта кнiга — спроба растлумачыць школьнiкам i педагогам тое, што даўно ўсiм вядома: тэст можна падмануць — менавiта ў гэтым спрабуюць пераканаць абiтурыентаў аўтары выдання. З iх абяцанняў вынiкае, што для таго, каб атрымаць на ЦТ высокi вынiк, матэматыку ведаць зусiм неабавязкова. Уладальнiкаў цуда-дапаможнiка збiраюцца вучыць не рашаць задачы, а даваць адказы ў тых задачах, з якiмi абiтурыент не можа справiцца. Галоўнае — валодаць пэўнай тактыкай, каб атрымаць нават больш высокi бал, чым вашы канкурэнты, якiя значна лепш ведаюць прадмет...

— Гэта камерцыйны выкрут, скiраваны на тое, каб прадаць тавар, якi не можа гарантаваць абiтурыенту поспеху на ЦТ, — каментуе паведамленне дырэктар Рэспублiканскага iнстытута кантролю ведаў Мiкалай Фяськоў. — І калi гэта робiць паважанае выдавецтва, тым больш сумна... Я, як чалавек знаёмы з формай, зместам i працэдурай правядзення цэнтралiзаванага тэсцiравання аўтарытэтна заяўляю, што толькi глыбокае веданне прадмета можа быць гарантыяй паспяховай здачы цэнтралiзаванага тэсцiравання. На абiтурыентах проста спрабуюць у чарговы раз зарабiць. Некалькi гадоў таму ўжо рабiлiся спробы гандляваць "лiпавымi" падказкамi на заданнi тэстаў побач з месцамi правядзення ЦТ. Затым спрабавалi прадаваць падказкi праз iнтэрнэт. I заўсёды знаходзiлiся абiтурыенты, якiя траплялi ў пастку да махляроў. Таму хачу ўсiх папярэдзiць, што давяраць можна толькi той лiтаратуры з матэрыяламi тэсцiравання, дзе ёсць грыф Рэспублiканскага iнстытута кантролю ведаў. I зусiм не варта спадзявацца на простае ўгадванне. Калi б усё было так проста, то сiстэма цэнтралiзаванага тэсцiравання даўно б сябе дыскрэдытавала. Але, як сведчыць вопыт папярэднiх гадоў, выпадковых людзей сярод абiтурыентаў, якiя атрымалi высокiя вынiкi на ЦТ, не бывае. Усе яны былi паспяховымi вучнямi, шмат увагi аддавалi прадмету па-за ўрокамi, наведвалi факультатывы або працавалi iндывiдуальна з настаўнiкамi.