Кабель пайшоў налева

Источник материала:

Супрацоўнiкамi КДБ па Гомельскай вобласцi затрымана група, якая займалася крадзяжом таварна-матэрыяльных каштоўнасцяў на шэрагу прадпрыемстваў энергетычнай галiны Гомельскай i Магiлёўскай абласцей. Следчым аддзелам заведзена 21 крымiнальная справа, фiгуранты якiх — 19 грамадзян. Сярод iх — адказныя асобы i тыя, хто дапамагаў рэалiзоўваць скрадзенае.

Грамадзяне падазраюцца ў тым, што на працягу 2005—2009 гадоў сiстэматычна выкрадалi з прадпрыемстваў кабельную прадукцыю i iншыя электратэхнiчныя вырабы. Спачатку яны незаконна замянялiся або спiсвалiся. Потым скрадзенае рэалiзоўвалi суб'ектам гаспадарання розных формаў уласнасцi — як за наяўныя сродкi, так i шляхам паставак ад iмя лжэпрадпрымальнiцкiх структур. Атрыманыя грашовыя сродкi размяркоўвалiся памiж членамi групы ў адпаведнасцi з роляй кожнага. Сярод злаўмыснiкаў — майстры i кiруючыя работнiкi будаўнiча-мантажных упраўленняў: яны займалiся рамонтам i мадэрнiзацыяй электралiнiй у сельскай мясцовасцi. За год па дакладнай схеме яны выкралi i перапрадалi матэрыялаў i абсталявання больш чым на 100 мiльёнаў рублёў. Арганiзатары крымiнальнага бiзнэсу не былi супрацоўнiкамi энергагалiны.

Як паведамляе прэс-служба ўпраўлення КДБ па Гомельскай вобласцi, у ходзе следства падазроныя часткова кампенсавалi прычыненыя страты. На разлiковыя рахункi прадпрыемстваў пералiчана каля 48 мiльёнаў беларускiх рублёў. Гандлярам дзяржаўнай маёмасцю суд можа даць да 12 гадоў пазбаўлення волi з канфiскацыяй маёмасцi.