Праца выставы . 21.by

Праца выставы

17.06.2010 13:49 — Новости Культуры |  
Размер текста:
A
A
A

Источник материала:

У сувязі з высокім наведваннем да 6 ліпеня прадоўжана праца выставы «Прылады пакарання Сярэднявечча» ў Нацыянальным гістарычным музеі,

паведаміла прэс‑сакратар музея Вераніка Сасноўская.

Працу выставы, якая адкрылася 6 мая, планавалася завяршыць 6 чэрвеня. За 40 дзён яе наведалі прыкладна 2 тыс. чалавек, у асноўным студэнцкая моладзь і людзі сярэдняга ўзросту, сказала Сасноўская.

У экспазіцыі з фондаў дзяржаўнага музея гісторыі Санкт‑Пецярбурга «Петрапаўлаўская крэпасць» — прыблізна 50 копій прыладаў катавання і пакарання, якія выкарыстоўваліся пры допытах і паводле прысуду (ганебная маска, маска блюзнера, пакаянная кашуля, кайданы, наморднік, флейта‑шумелка, скрыпка пляткарак), а таксама прыладаў ажыццяўлення смяротнай кары (кола, ручная піла, кол).

Цялесныя пакаранні, якія ўпершыню сталі згадвацца ў законах вавілонскага цара Хамурапі ў XVIII стагоддзі да нашай эры, шырока выкарыстоўваліся ў Рымскай імперыі. Аднак у свядомасці сучаснага чалавека іх прымяненне ў якасці спосабу атрымання прызнання і выканання прысуду часцей за ўсё асацыюецца з перыядам Сярэднявечча. Менавіта ў гэтую эпоху, у часы інквізіцыі, была створана вялікая колькасць разнастайных прыстасаванняў і інструментаў для катавання і пакарання.

Выстава прыбыла з Гомеля, дзе карысталася вялікім поспехам.

Дырэкцыя музея не рэкамендуе наведванне выставы дзецям да 10 гадоў без суправаджэння дарослых.
БелаПАН

 
Теги: Гомель
 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
У сувязі з высокім наведваннем да 6 ліпеня прадоўжана праца выставы «Прылады пакарання Сярэднявечча» ў Нацыянальным гістарычным музеі, паведаміла...
 
 
 

РЕКЛАМА

Архив (Новости Культуры)

РЕКЛАМА


Яндекс.Метрика