На сядзібе Таварыства беларускай мовы (ТБМ), адбудзецца святкаванне трыццатых угодкаў Баранавіцкай арганізацыі ТБМ. Мерапрыемства пройдзе 8 снежня у 13.00 у Баранавіцкім раёне ў вёсцы Русіны па вул. Сасновая, 5.
– На мерапрыемства з Мінска прыедуць Алена Анісім, старшыня ТБМ, дэпутат Палаты прадстаўнікоў, а таксама Алег Трусаў, былы кіраўнік арганізацыі і яе ганаровы старшыня, – расказала Intex-press Таццяна Кісель, старшыня Баранавіцкай арганізацыі Таварыства беларускай мовы. – На трыццацігоддзе нашай арганізацыі мы запрашаем усіх, хто пачынаў з намі і хто працягвае актыўна прымаць удзел у дзейнасці ТБМ.
У ТБМ узгадаюць часы заснавання арганізацыі, запланавана дэманстрацыя фатаграфій, узнагароджванне сябраў ТБМ і святочнае застолле.