На мяжы зноў забіраюць ноўтбукі актывістаў

Источник материала:

У грамадзкай актывісткі Веранікі Лазоўскай на беларуска-літоўскай  мяжы адабралі ноўтбук. Вераніка паведаміла, што памежнікі спачатку доўга  праглядалі яе рэчы. Яны патлумачылі  дзяўчыне, што шукаюць рэчы з забароненай інфармацыяй. Дзеля гэтага яны пачалі глядзець ноўтбук дзяўчыны.

Шукалі ў дакумэнтах словы "прэзыдэнт", "патрыятызм", "бел-чырвона-белы сьцяг".  

Вераніка распавяла, што яны некалькі разоў тэлефанавалі свайму кіраўніцтву і сышлі, ветліва  разьвітаўшыся. 

Калі ж дзьверы  ў цягніку ўжо зачыняліся, раптам прыбеглі і дзяўчыну высадзілі.   

На мытні дзяўчыне патлумачылі, што ноўтбук забіраюць, каб праверыць яго на наяўнасьць забароненай інфармацыі на падставе пункту 2 артыкулу 307 мытнага Кодэксу.  

Ніка Лазоўская  мусіць цяпер час ад часу тэлефанаваць на мяжу і запытваць калі можна  забраць свой кампутар.