От гостей из Санкт-Петербурга

Источник материала:

ШОСТЫ год запар прыязджаем адпачываць у ваш цудоўны і гасцінны горад Мядзел, які з кожным разам робіцца ўсё больш утульным і прыгожым. Сёлета адразу заўважылі шмат новых драўляных скульптур, якія надаюць населенаму пункту асаблівы каларыт і цеплыню. Вялікі дзякуй майстрам па дрэве, якія з душой паставіліся да сваёй працы і стварылі сапраўдныя творы мастацтва. А якое цікавае Свята возера праходзіць у горадзе! Нашы дзеці ў захапленні! А колькі працы і любові ўкладзена ў ландшафтны дызайн, колькі кветак упрыгожвае Мядзел!
Беларусь — гэта краіна шчасця, а Мядзел — жамчужына Беларусі. Гуляючы па набярэжнай ці прысеўшы на лавачцы ў скверы, разумееш, што ёсць яшчэ месцы на зямлі, дзе адпачывае душа, і гэта дзякуючы людзям — добрым, сумленным і працавітым мядзяльчанам. Дзякуй вам вялікі!
Адзінае, чаго хацелася, — гэта кавы-марожанага на набярэжнай. Мы яшчэ засталі альтанку, якая павісала над возерам, і дзіцячае кафэ. Гэта было цудоўна.
Выказваем шчырую падзяку адміністрацыі горада за ўсё!!!

Н. СЦЯПАНАВА, В. СТАРАДУБЦАЎ.
г. Санкт-Пецярбург.