«Заява Раманчука пярэчыць пазіцыі АГП»

Источник материала:

Рэзалюцыя датычыць стаўлення Аб"яднанай грамадзянскай партыі да падзеяў 19 снежні 2010 і заявы кандыдата ў прэзідэнты Яраслава Раманчука. Прыводзім яе змест цалкам.

«Аб"яднаная грамадзянская партыя лічыць мірны пратэст грамадзян супраць фальсіфікацыі выбараў 19 снежня іх неад"емным канстытуцыйным правам, а ўжыванне ўладамі грубай сілы супраць дэманстрантаў -- злачынствам. Ніякія правакацыі ў выглядзе разбітых дзвярэй не могуць апраўдаць зьбіцьцё і арышты сотняў людзей, у тым ліку кандыдатаў у прэзідэнты.

Аб"яднаная грамадзянская партыя лічыць

1. заяву Яраслава Раманчука, у якім ён асуджае дзеянні кандыдатаў у прэзідэнты В. Рымашэўскага, М. Статкевіч і А. Саннікава, неабгрунтаваным і супярэчным пазіцыі партыі;

2. выказвае салідарнасць з арыштаванымі кандыдатамі ў прэзідэнты Г. Кастусёва, А. Міхалевічам, У. Някляевым, В. Рымашэўскім, А. Саннікавым, М. Статкевічам, Д. Усам і патрабуе іх неадкладнага вызваленьня, а таксама вызвалення ўсіх удзельнікаў мірнай дэманстрацыі.

Пацвярджэннем прынцыповай пазіцыі партыі з"яўляецца арышт яе лідэра Анатоля Лябедзькі, а таксама старшыні Мінскай гарадской арганізацыі АГП Анатоля Паўлава, яго намесніка Алега Корбана, старшыні Гарадзенскай абласной арганізацыі АГП Юрыя Істоміна і іншых сяброў партыі».