Аляксандр Лукашэнка павіншаваў калектыў рэдакцыі газеты "ПраВда"

Источник материала:

Прэзідэнт Беларусі Аляксандр Лукашэнка павіншаваў калектыў рэдакцыі і чытачоў газеты "Праўда" са 100-годдзем з дня выхаду першага нумара гэтага выдання.

"На старонках вашага легендарнага выдання адлюстравана гераічная гісторыя і жыццё вялікай краіны з яе перамогамі, дасягненнямі і цяжкасцямі. Прыемна, што і сёння "Правда" захоўвае свой высокі ўзровень прафесіяналізму, рэпутацыю аднаго з вядучых расійскіх сродкаў масавай інфармацыі", — гаворыцца ў віншаванні.

"Мы высока цэнім аб'ектыўнасць і добразычлівасць асвятлення сучаснай сітуацыі ў Беларусі. Упэўнены, што і надалей творчы калектыў газеты будзе сілай аўтарытэтнага друкаванага слова садзейнічаць развіццю інтэграцыйных працэсаў і ўмацаванню саюзніцкіх адносін паміж нашымі краінамі", — адзначыў кіраўнік дзяржавы.

Прэс-служба Прэзідэнта Рэспублікі Беларусь.