Кветнiкаў няма. І не будзе...
02.03.2010
—
Новости Общества
|
Па дапамогу ў рэдакцыю звяртаюцца многiя. Не выключэнне i мы, жыхары дома № 81 (асаблiва пад'ездаў №№ 3 i 4) па сталiчнай вул. Рафiева. Наша праблема ў тым, што пад вокнамi на адлегласцi метраў у дзесяць размешчана харчовая крама. Спачатку гэта была "Насцюша", цяпер — "Рублеўскi". Назва змянiлася, а парадкi да лепшага — не, бо ў краму, як i трэба таго чакаць, пастаянна падвозяцца нейкiя тавары. Машыны на разгрузку едуць пад нашымi вокнамi i разварочваюцца тут жа, на тратуары. Нам у вынiку нават на хвiлiну нельга пакiнуць дзяцей. Нельга i самiм спынiцца з машынай ля сваiх жа пад'ездаў, каб разгрузiць багажнiкi, прыехаўшы з вёскi, дачы або з пакупкамi з iншай крамы. З гэтым мы змагалiся, як маглi: каб машыны не заязджалi на тратуар, саджалi, прынамсi, кветкi, але ўсе яны за тыдзень-другi гiнулi пад коламi. Кiроўцаў можна зразумець — iншага месца для развароту ў iх няма. Але ж хто зразумее нас? Тым больш што да лепшага з цягам часу нiчога не мяняецца i нават шанцаў на гэта няма, бо змянiлася назва ў крамы (i трэба разумець гаспадар?), змянiўся i рэжым яе працы. Адчыняцца яна стала ў 8.00. А ў 7.30 цi не ўсе выпiвохi з мiкрараёна "Малiнаўка" ўжо з'ехалiся, тусуюцца i чакаюць адкрыцця. Нам жа фортку адчынiць нельга, бо там "мат-перамат" i наогул вiдовiшча не для слабанервовых... А яшчэ з лета мiнулага года прылеглая да "Рублеўскага" тэрыторыя стала "зарастаць" (вышэй за агароджу!) пустымi кардоннымi скрынямi, пластмасавай тарай. Глядзiш туды i думаеш — Божа баранi, адна запалка i тады... Але i гэта яшчэ не ўсё. У будынку магазiна "Рублеўскi" насупраць пад'езда № 3 адчынiлi так званую "культурна-забаўляльную ўстанову": там бар, там гульнявыя аўтаматы, рулетка "Багiра" i акно "Пары-матч" — з начным рэжымам працы. У вынiку пад вокнамi пастаянныя натоўпы вечна п'яных маладых людзей, якiя лаюцца матам, часам б'юцца, п'юць. Ну i натуральна, дзе п'юць, там i льюць, "адлiваюць" таксама. Ад чаго летам ну гэткi смурод — словамi не перадаць! I гэта — цi не галоўнае — неонавыя агнi ўстановы свецяць прама ў вокны дома — клiчуць, зманьваюць нашу моладзь, нашых школьнiкаў. А куды — гуляць, спiвацца? Цi ж гэта можна? На наш погляд, падобным установам не павiнна быць месца ў жылых кварталах, пад самымi вокнамi. Карацей, сiламi жыльцоў парадак нам не навесцi. Гэта не кветкi пасадзiць... Патрэбна дапамога. Нiна Лушчык i iншыя жыхары дома № 81 па вул. Рафiева. г. Мiнск. Чтобы разместить новость на сайте или в блоге скопируйте код:
На вашем ресурсе это будет выглядеть так
Па дапамогу ў рэдакцыю звяртаюцца многiя. Не выключэнне i мы, жыхары дома № 81 (асаблiва пад'ездаў №№ 3 i 4) па сталiчнай вул. Рафiева.
|
|