Удзельнікам V Міжнароднага фестывалю тэатральнага мастацтва «Панарама»

Дарагія сябры!

Шчыра віншую вас з пачаткам V Міжнароднага фестывалю тэатральнага мастацтва «Панарама».

На працягу ўсёй тысячагадовай гісторыі тэатр адыгрываў вялікую ролю ў грамадстве, таму што нёс святло праўды і прыгажосці. Гэта высакароднае прызначэнне знайшло сваё яскравае ўвасабленне ў фестывалі «Панарама». Адзін з найбольш цікавых і дэмакратычных творчых форумаў на пастсавецкай прасторы, ён спалучае традыцыі і наватарскі пошук, прапануе лепшыя работы прадстаўнікоў сучаснай сцэны і прыцягвае сэрцы тысяч гледачоў.

Сёлетні фестываль здзіўляе мастацкімі адкрыццямі і яркімі творчымі імёнамі. Сімвалічна, што большасць уключаных у яго праграму спектакляў пастаўлена па творах рускай і беларускай класікі. Гэта значыць, што нашы народы цягнуцца да агульных адвечных каштоўнасцей, імкнуцца жыць у згодзе і ўзаемаразуменні.

Упэўнены, што фестываль стане незабыўным святам для майстроў і прыхільнікаў тэатра, будзе садзейнічаць развіццю культурных сувязей паміж краінамі.

Жадаю вам, дарагія сябры, моцнага здароўя, невычэрпнага натхнення, новых здзяйсненняў і, самае галоўнае, добрага настрою і прыемных уражанняў ад сустрэчы з сапраўдным мастацтвам.

Прэзідэнт Рэспублікі Беларусь Аляксандр Лукашэнка