Працягваем размову
14.07.2012
—
Новости Общества
|
Векапомныя дні
Я з'яўляюся пастаянным чытачом газеты "Звязда". Выступленні чытачоў па пытанні ўстанаўлення Дня партызана і падпольшчыка падтрымліваю. Поўнасцю асуджаю тых, хто лічыць партызанскі рух на тэрыторыі Беларусі грабежніцкім у адносінах да насельніцтва. Калі скончылася вайна, мне споўнілася 15 гадоў. Я не з'яўляюся ўдзельнікам партызанскага руху. Але ў маёй памяці захавалася да сённяшніх дзён даволі многа. Я памятаю, як нямецкія самалёты бамбілі і палілі суседнія вёскі, як эсэсаўцы праводзілі карныя экспедыцыі супраць партызанаў... Дату 20 мая для Дня партызанаў і падпольшчыкаў лічу правільнай. Гэта ўказвае на пачатак усеагульнага партызанскага руху ў Беларусі. Яўген Гацціх. г. Наваполацк. "Тройчы немец страляў у мяне, а я жыву!"...Зімой 1943 года на наш хутар Пішалеўка зайшлі партызаны ў белых халатах са зброяй і засталіся. Наш дом называлі штабным. Я, малалетка, у 9 гадоў ужо ўмеў разабраць, змазаць і сабраць ручную зброю... Партызаны мне даверылі адказнае даручэнне — схадзіць у Германавічы (гэта за 8 км), і прынесці каштоўныя звесткі і медыкаменты. Там пражывала родная сястра майго бацькі. Я хадзіў быццам бы ў госці. І са стрыечнымі братамі трапляў на нямецкую кухню абіраць бульбу. Мне гэта было на руку: звесткі было прынесці проста, а вось медыкаменты — складана... Прыкладна ў чэрвені 1944 г. на наш хутар прыйшлі нямецкія карнікі і спалілі дом. А нас тры сям'і забралі ў Германавічы да касцёла на расстрэл. Ад расстрэлу выратаваў ксёндз. Я быў сведкам адступлення нямецкіх захопнікаў, наступу нашых войскаў, і галоўнае — вызвалення мястэчка Германавічы і г.п. Шаркоўшчына ад нямецка-фашысцкіх захопнікаў 1 ліпеня 1944 года. Тройчы немец страляў у мяне, а я жыву і цяпер. Дарагія ўдзельнікі "круглага стала"! Нізкі вам паклон ад дзяцей вайны. Кожны з нас, дзяцей вайны, бачыў не дзіцячыя цацкі, а зброю, страхі, голад і холад... У 9 гадоў я бачыў мёртвых, забітых... Лічу, што Дзень партызанаў і падпольшчыкаў Вялікай Айчыннай вайны абавязкова павінен быць устаноўлены як памятная дата Беларусі. Уладзімір СЛАБОВІЧ, ветэран працы. г.п. Шаркоўшчына. Чтобы разместить новость на сайте или в блоге скопируйте код:
На вашем ресурсе это будет выглядеть так
Векапомныя дні Я з'яўляюся пастаянным чытачом газеты "Звязда". Выступленні чытачоў па пытанні ўстанаўлення Дня партызана і падпольшчыка падтрымліваю.
|
|