Парад зорак
11.12.2013
—
Новости Общества
|
У Вялікім тэатры адкрываецца IV Мінскі міжнародны Калядны оперны форум.
Лепшыя оперныя пастаноўкі знакамітых тэатраў і прэм’ерныя спектаклі Нацыянальнага акадэмічнага Вялікага тэатра оперы і балета Беларусі падрыхтаваў меламанам традыцыйны IV Мінскі міжнародны Калядны оперны форум. Грандыёзнае свята вакальнага мастацтва зноў збірае ў беларускай сталіцы музыкантаў сусветнага ўзроўню. Як паведамілі напярэдадні ў Вялікім тэатры, адкрые форум прэм’ера «Лятучага галандца» Рыхарда Вагнера ў пастаноўцы нямецкага рэжысёра Ханса-Ёахіма Фрая — прэзідэнта і кіраўніка штогадовага Дрэздэнскага опернага балю і дырэктара найбуйнейшага міжнароднага конкурсу оперных спе-вакоў «Competizione dell’Opera». Дырыжор-пастаноўшчык — аўстрыйскі маэстра Манфрэд Маерхофер. Спектаклі адбудуцца 10-га і 11 снежня. У наступныя вечары гасцей опернага свята чакаюць запрашэнне на «Баль-маскарад» Санкт-Пецярбургскага Міхайлаўскага тэатра, прэм’ера мінулага сезона Вялікага тэатра опера «Турандот» Джакама Пучыні ў арыгінальнай трактоўцы рэжысёра-пастаноўшчыка Міхаіла Панджавідзэ. Упершыню пляцоўкай для спектакляў Каляднага форуму стане Камерная зала імя Л.П. Александроўскай, дзе пакажуць шэсць беларускіх прэм’ер новага тэатральнага сезона. Завершыцца форум гала-канцэртам, удзел у якім прымуць зоркі Вялікага тэатра Беларусі і сусветна вядомыя оперныя выканаўцы з Эстоніі, Канады, Літвы, Расіі, Украіны, Узбекістана, Азербайджана і Грузіі. Ірына СВІРКО, «Р» Чтобы разместить новость на сайте или в блоге скопируйте код:
На вашем ресурсе это будет выглядеть так
У Вялікім тэатры адкрываецца IV Мінскі міжнародны Калядны оперны форум.
|
|