Дзеці любяць курыныя катлеткі і не ядуць рыбу. Агляд школьных сталовых Маладзечна, Вілейкі і Гальшанаў
29.09.2015 12:32
—
Новости Общества
|
«РГ» вырашыла высветліць, што было на абед у школах Маладзечна, Вілейкі і Гальшанаў. Калі мы завіталі ў маладзечанскую гімназію № 3, дырэктар яе Віталь Крупянькоў з парога адказаў: — Вы выбралі правільную школу, каб расказаць пра абеды. Калектыў повараў у нас дружны, працуюць разам многія гады. Гаспадарыць тут шэф-повар Часлава Валовік. — Поварскі стаж у мяне каля 40 гадоў, 20 з іх я працую поварам у трэцяй школе. Часлава Яўгенаўна кажа, што меню ў школьных сталовых мяняецца кожны навучальны год. — Раней у школьныя меню былі ўключаныя субпрадукты — пячонка, сэрцы. Цяпер іх няма. А яшчэ школьнікі могуць радавацца таму, што маннай кашы з ненавіснымі камячкамі таксама няма. — Калі гаварыць пра любімыя стравы нашых школьнікаў, то на першым месцы, вядома, курыныя катлеты з бульбяным пюрэ. А вось рыбу дзеці не любяць. — Прама сэрца крывёй абліваецца, калі бачыш, як дзіця прыбірае са стала некранутую гарбушу. У гімназіі, як і ў іншых школах, практыкуюцца рыбныя або іншыя дні. — У пятніцу ў нас малочны дзень. Гэта значыць, на першае будзе малочны суп, на другое — сырнікі. У панядзелак па нормах санстанцыі дзень кілбасы, бо захоўваць яе доўга нельга. — А калі дзіця папросіць дабаўкі, дасце? — Не, — строга адказвае Часлава Валовік. — У нас порцыі разлічаныя па колькасці дзяцей. Але галоднымі дзеці не застаюцца. Старшакласнікі, бывае, прыходзяць у сталовую ўжо на перапынках, калі ядуць малодшыя школьнікі. Там яны проста просяць у дзяцей не адносіць порцыі, калі раптам тыя не любяць рыбу ці не ядуць груцу. А калі есці ў сталовай чарга саміх старшакласнікаў, то тут на дапамогу прыходзяць дзяўчаты. Яны, як жартуе повар, усе на дыетах. І проста адмаўляюцца ад свайго пюрэ і кормяць ім хлопцаў. Самі ж ядуць некаларыйныя салацікі з гародніны.
Акрамя школьнікаў, у трэцюю гімназію ходзяць абедаць «суседзі» — работнікі спартыўнай школы, ДТСААФа і лясніцтва. У дзень нашага вiзiту на абед прапаноўвалі вараную капусту, гуляш, макарону, салату са свежай капусты і бярозавы сок. У гальшанскай школе самы смачны боршчУ гальшанскай школе на абед сёння таксама быў гуляш з тушанай бульбай, вінегрэт і чай. Пра абед распавяла вучаніца гэтай школы Вікторыя Янушкевіч: — Я не ведаю, колькі каштуе абед, таму што мы ядзім у сталоўцы бясплатна. Самыя любімыя стравы ў Вікі - гэта боршч і салата з памідораў. — А расольнік не люблю, бо ён заўсёды кіслы. Яшчэ цярпець не магу тушаную бульбу! Сакрэт смачнага харчавання — у параканвектамацеРасказвае Дар’я Стоніс, дзесяцікласніца вілейскай гімназіі № 1 «Логас»: — Сёння на абед у нас былі курыныя тэфтэлі, рагу з гародніны, салата са свежай гародніны і сок. Абеды мне падабаюцца, пастаянна мяняюцца гарніры. Любімыя стравы: курыныя катлеты і тэфтэлі. Каштуе абед ад шасці да 10 тысяч рублёў. Дарэчы, у мінулым навучальным годзе ў гімназіі з’явіўся параканвектамат. Прыгатаваная на ім ежа атрымліваецца больш здаровай, сакавітай і смачнай.
Чтобы разместить новость на сайте или в блоге скопируйте код:
На вашем ресурсе это будет выглядеть так
Школьнікі могуць радавацца таму, што маннай кашы з ненавіснымі камячкамі ў меню больш няма.
|
|