Зімовае меню
14.11.2017
—
Новости Культуры
|
Работнікі паляўнічай гаспадаркі ДЛГУ “Валожынскі лясгас” упэўнены, што лясныя жыхары сёлета перазімуюць не на галодным пайку. Дзесяць комплексных тэхнічных збудаванняў узведзены ў месцах, дзе найчасцей сустракаюцца рагатыя прыгажуны: 90 аленяў, 190 казуль, а таксама вялікая колькасць іншых жывёл, птушак, якія ў вырай не адпраўляюцца. Такія “сталоўкі” абсталяваны падкормачнай пляцоўкай, саланцом, схованкай, дзе складуюцца вітамінныя запасы. У зімовае меню ўваходзяць сена, зерневыя культуры, караняплоды (буракі, бульба, морква), капуста, соль. Агульная вага кармоў перавышае 60 тон. Акрамя буйных аб’ектаў, соль і вітамінны пасілак будуць развозіцца яшчэ на 50 пунктаў. Тут змогуць падмацавацца зайцы, курапаткі. А каб пераканацца, што ў марозны перыяд жывёла адчувае сябе камфортна, устаноўлена закрытая стацыянарная вышка для назірання за іх паводзінамі. Алена ЗБІРЭНКА Чтобы разместить новость на сайте или в блоге скопируйте код:
На вашем ресурсе это будет выглядеть так
Работнікі паляўнічай гаспадаркі ДЛГУ “Валожынскі лясгас” упэўнены, што лясныя жыхары сёлета перазімуюць не на галодным пайку. Дзесяць комплексных тэхнічных...
|
|