Пры лабавым ДТЗ пад Мінскам загінула пасажырка, яе муж-кіроўца шпіталізаваны

Увечары 10 студзеня пад Мінскам адбылося ДТЗ са смяротным вынікам, паведамляе БЕЛТА са спасылкай на ДАІ УУС Мінскага райвыканкама.

Аварыя здарылася каля шостай гадзіны вечара каля вёскі Азярцо Мінскага раёна. У аўтамабілі Citroen ехала сямейная пара. Муж-кіроўца няправільна выбраў хуткасць, у выніку чаго страціў кіраванне і выехаў на сустрэчную паласу руху. Там аўто ўлабавую ўрэзалася ў мікрааўтобус.

Пры аварыі 51-гадовая пасажырка загінула на месцы, удакладняе onliner.by. Яе муж выжыў, але быў шпіталізаваны.

У ДАІ адзначаюць, што на аўтамабілі стаялі зімовыя шыны. Праваахоўнікі пачалі крымінальную справу па факце ДТЗ.