Яго аўтар — пачынаючы педагог дзіцячай школы мастацтваў Дар’я Чуес. Дарэчы, родам яна з Магілёва, у Маладзечна трапіла па размеркаванні пасля заканчэння Беларускай акадэміі музыкі.
Пасадзейнічаў гэтаму праекту і раённы выканаўчы камітэт, які зацікаўлены ў падтрымцы таленавітай моладзі.
Апрабавалі інтэлектуальную гульню летась. Сёлета мерапрыемства набыло адкрыты фармат і нават сімвал – савяня (як вядома, гэта птушка асацыіруецца з мудрасцю). Акрамя гаспадароў інтэлектуальных спаборніцтваў – а гэта дзве каманды ад дзіцячай школы мастацтваў і адна ад філіяла (былой школы духавых інструментаў), у іх прынялі ўдзел прадстаўнікі адпаведных устаноў з Аляхновіч, Радашковіч, Чысці, Лебедзева, Краснага, Беразінскага, Заскавіч, далучыліся і навучэнцы з Вілейкі, Астраўца.
Турнір увабраў у сябе лепшыя традыцыі «Брэйн-рынга», «Што? Дзе? Калі?» і гульняў клуба вясёлых і знаходлівых. Удзельнікам давялося пераадолець 11 этапаў. Сярод найбольш складаных заданняў было напісаць музычны дыктант на слых, адшукаць і выправіць памылкі ў акордах і інтэрвалах, пазнаць на партрэтах кампазітараў.
Ацэньвала ўдзельнікаў гульні незалежнае журы – выкладчыкі Маладзечанскага музычнага каледжа імя М.К. Агінскага і Мінскага музкаледжа імя М.І. Глінкі. Мацнейшай за іншых аказалася каманда «Сёмая паралель» нашай дзіцячай школы мастацтваў. У яе складзе выключна будучыя выпускнікі. Цяпер у іх апошні, сёмы, год навучання, адсюль і пайшла назва каманды. Дапамагалі рыхтавацца старшакласнікам педагогі Людміла Гладкая, Вольга Вархаповіч і Алена Каралёва.
Пераможцы атрымалі сімвалічныя статуэткі інтэлектуальнай гульні з выявай савяня, медалі і дыпломы. Праект будзе працягвацца і развівацца.
Поўнасцю матэрыял змешчан ў "МГ" за суботу. 31.03.2018 г.
Фота: Аляксей ПЛАТКО.