Люстрадзён на сёньня. 21.by

Люстрадзён на сёньня

Размер текста:
A
A
A
Люстрадзён на сёньня

У гэты дзень  13 красавіка 2001 года герб і сцяг Ваўкавыска зарэгістраваныя ў Гербавым матрыкуле Рэспублікі Беларусь.

Да 2002 г. гербы і сцягі населеных пунктаў Беларусі афіцыйна прызнаваліся толькі пасля ўключэння іх у Гербавы матрыкул Рэспублікі Беларусь, зацверджаны Пастановай Савета Міністраў Рэспублікі Беларусь ад 22 лютага 1994 года № 89. Па Гарадзенскай вобласці ў яго ўнесены гербы гарадоў Гародня (1994 г.), Слоніма (1998 г.), Ліды (2002 г.), гербы і сцягі гарадоў Наваградка (2001 г.) і Ваўкавыска (2001 г.).

Указам Прэзідэнта Рэспублікі Беларусь ад 7 жніўня 2002 г. № 441 быў вызначаны новы механізм распрацоўкі і ўстановы геральдычных знакаў. Для гэтага створаны Геральдычны савет пры Прэзідэнце Рэспублікі Беларусь, які праводзіць абавязковую геральдычную экспертызу ўсіх распрацоўваных геральдычных сымбаляў, пасля чаго выдаецца Указ Кіраўніка дзяржавы аб іх установе.
Герб і сцяг Ваўкавыска зарэгістраваныя ў Гербавым матрыкуле Рэспублікі Беларусь 13 красавіка 2001 № 58.

Герб: у блакітным полі барочнага шчыта малюнак срэбранага ваўка.
Сцяг: прамавугольнае палотнішча блакітнага колеру з суадносінамі бакоў 1:2, у цэнтры асабовага боку якога гербавая эмблема — белы воўк.

На думку беларускага краязнаўцы А.П. Госьцява і беларускага гісторыка, доктара гістарычных навук В.В. Шведа, першая гарадская гербавая пячатка Ваўкавыска з выявай галавы ваўка зьявілася не раней 1540-х гг., у часы праўлення караля польскага Жыгімонта II Аўгуста (1548-1572 гг., з 1530 г. — вялікі князь літоўскі) або Стэфана Баторыя (1576-1586 гг.), якія пацвярджалі першапачатковую грамату аб дараванні гораду магдэбургскага права. Апошні кароль Рэчы Паспалітай Станіслаў Аўгуст Панятоўскі двойчы, у 1776 і ў 1790 гг., пацвярджаў прывілей 1503 г.

Найбольш раньняя пячатка на дакументах, якая датуецца 1633 г., з вядомых на сённяшні дзень, выяўлена навукоўцамі ў фондах Нацыянальнага гістарычнага архіва Беларусі.

Аналіз вядомых пячатак магістрата Ваўкавыска дазваляе сцвярджаць, што ў XVII-ХVIII стст. у гербе горада была намаляваная галава ваўка, звернутая направа і ўверх.

Пасля ўваходжання тэрыторыі Гарадзеншчыны ў склад Расейскай імперыі (1795 г.) 6 красавіка 1845 года павятовы горад Ваўкавыск Гарадзенскай губерні атрымаў новы герб: «Шчыт падзелены на дзве паловы: у верхняй — Гарадзенскі герб, а ў ніжняй, у блакітным полі, воўк, зьвернуты ў правы бок шчыта».

Гістарычныя гербы Ваўкавыска адносяць да так званых «размаўляючым» гербам, бо ў гэтых малюнках зашыфравана назва горада. Такія жа «размаўляльныя» гербы, створаныя ў мінулым, маюцца, напрыклад, у Львова, Рагачова і Ружан, а створаныя ў нашы дні — у Хойнікаў і Кастрычніцкага.

У 70-х гг. мінулага стагодьдзя ў горадзе быў распаўсюджаны гербападобны знак, які спалучае ў сабе зусім непрымальныя элементы, ва ўсякім выпадку, для беларускай геральдыкі: назву населенага пункта, дату заснавання горада, постаць ваўка, шасьцярню і г. д.

Сённяшні афіцыйны геральдычны знак Ваўкавыска створаны на аснове гістарычнага герба 1845 г. Уладзімерам Барысавічам Сушкевічам, членам Саюза мастакоў Рэспублікі Беларусь.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
У гэты дзень  13 красавіка 2001 года герб і сцяг Ваўкавыска зарэгістраваныя ў Гербавым матрыкуле Рэспублікі Беларусь. Да 2002 г. гербы і сцягі...
 
 
 


Архив (Разное)

21.by в социальных сетях

Свежие газеты

17.08.2018
Mir24.TV Belarus
Івацэвіцкі веснік
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Міёрскія навіны
Новости Полоцка
Патриот (Ушачи)
Газета Авангард
Новости Ветки
Калiнкавiцкiя навiны
Лоевский край
Mlife
Чырвоны Кастрычнiк
Петрыкаускiя навiны
Хойницкiя навiны
Чачэрскi веснiк
Новости Волковыска
Вороновская газета
Ивьевский край
Полымя
Lida.Info
Заря над Неманам
Свислочская газета
Светлы шлях
Единство
Нясвижскiя навiны
Слуцк Город
Смалявiцкi край
Soligorsk News
Прамень
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Асiповiцкi край
Новости Хотимска
Новы дзень (Жлобин)
Перамога (Дятлово)
Святло кастрычнiка (Мстиславль)
18.08.2018
Mir24.TV Belarus
Полесская правда
Чырвоны прамень
Газета Авангард
Вороновская газета
Полымя
Lida.Info
Свислочская газета
Светлы шлях
Прамень
Святло кастрычнiка (Мстиславль)

© 2004-2018 21.by
Яндекс.Метрика