Кніжная выстава «Да вытокаў першапісьменства» дзейнічае ў раённай бібліятэцы і прысвячаецца Дню славянскага пісьменства і культуры. Наведвальнікам прапаноўваецца шматлікая мастацкая і галіновая літаратура. Да прыкладу, гэта кнігі «Сто асоб беларускай гісторыі» і «Францыск Скарына, альбо як да нас прыйшла кніга», беларускія летапісы і хронікі.
Непасрэдна ў дзень свята адбылося гістарычнае падарожжа «Асветнікі Кірыла і Мяфодзій – першанастаўнікі славян». Дарэчы, увагу тых, хто прыходзіць у бібліятэку, прыцягвае таксама паліца для абітурыентаў і навучэнцаў школ «Кім быць», дзе змешчаны даведнікі, брашуры, кнігі, дапаможнікі для падрыхтоўкі да паступлення ў навучальныя ўстановы.