Віншаванне Навагрудскага райвыканкама і раённага Савета дэпутатаў з Днём медыцынскіх работнікаў

Источник материала:

Паважаныя работнікі сістэмы аховы здароўя Навагрудчыны, ветэраны працы! Прыміце самыя шчырыя віншаванні з прафесійным святам, святам людзей, якія па закліку сэрца звязалі свой лёс з высакароднай прафесіяй медыка.

Нялёгкай паўсядзённай працай вы ахоўваеце найвялікшыя каштоўнасці чалавека — жыццё і здароўе, штодня несяце цяжар вялікай адказнасці за кожнага чалавека, дапамагаеце захаваць жыццёвыя сілы і ўпэўненасць у сабе. Асаблівыя словы ўдзячнасці ў адрас тых, хто і ў гэты святочны дзень будзе знаходзіцца на дзяжурстве, а таксама ветэранам працы, чый вопыт і веды так неабходны маладым спецыялістам.

Паважаныя сябры! Ад усёй душы жадаем усім добрага здароўя, цярпення, мудрасці, невычэрпнага пачуцця міласэрнасці і спагады!

Раённы выканаўчы камітэт
Раённы Савет дэпутатаў