Новости Мядельского района

Источник материала:

НДЦ “Зубраня” наведалі прадстаўнікі Міжнароднай асацыяцыі па пытаннях адукацыі Еўразіі і Амерыкі ў Пекіне (UWEE) і кампаніі «EMI International». Дырэктар Надзея Ануфрыева пазнаёміла гасцей з асноўнымі напрамкамі дзейнасці цэнтра, падзялілася вопытам арганізацыі адпачынку і аздараўлення дзяцей з іншых краін. Улетку ў “Зубраняці” пабываюць хлопчыкі і дзяўчынкі з Кітая.

***

ПРАБЛЕМЫ пажарнай бяспекі выявілі работнікі райаддзела па надзвычайных сітуацыях падчас правядзення прафілактычных рэйдавых мерапрыемстваў па культавых установах. На Мядзельшчыне 20 храмаў, 17 з іх не абсталявана ўстаноўкамі пажарнай аўтаматыкі (у тым ліку такія вялікія, як касцёлы ў Будславе і Нарачы, цэрквы ў Крывічах і Нарачы).

***

У ІІ РАЁННЫМ прававым турніры, што адбыўся ў суботу, прынялі ўдзел 15 каманд з усіх устаноў агульнай сярэдняй адукацыі Мядзельшчыны. Перамаглі юныя знаўцы права з Нарацкай СШ №2. На другім месцы — каманда Свірскага вучэбна-педагагічнага комплексу дзіцячы сад-сярэдняя школа, на трэцім — гімназіі-інтэрната.