Чайны сервіз майстрам, а статуэтка аддзелу!
16.01.2018
—
Новости Общества
|
Так распарадзілася ўзнагародай пераможцы абласнога конкурсу праектаў у галіне рэалізацыі дзяржаўнай маладзёжнай палітыкі ў намінацыі “Творчасць” начальнік аддзела ідэалагічнай работы, культуры і па справах моладзі райвыканкама Галіна Аляксандраўна Сакалоўская. Наш праект творчай майстэрні “Погляд” быў адзначаны сярод звыш 20 работ вобласці, гаворыць яна, поспех яму прынеслі маладыя бярэзінскія керамісты. Яны і падказалі нам цікавую ідэю замацавання маладых спецыялістаў у раёне, якую абавязкова трэба ўзяць на ўзбраенне ўсім. Замацаванне моладзі ў раёне – вострае і актуальнае пытанне, асабліва ў галіне культуры. Непакояць пачынаючых працоўную дзейнасць работнікаў з дыпломамі развіццё прафесійнага майстэрства, магчымасць рэалізацыі творчых ідэй і далучэнне да творчасці як мага больш аднадумцаў. Разумеючы гэта, аддзел ідэалагічнай работы, культуры і па справах моладзі райвыканкама пасля размеркавання ў раён траіх маладых спецыялістаў па спецыяльнасці “Мастацтва керамікі” вырашыў пайсці на смелы эксперымент – стварыць творчую майстэрню “Погляд” пры раённым цэнтры рамёстваў. Падмацаваць жаданне керамістаў не адчайвацца, а развіваць свой талент у глыбінцы, былі накіраваны набыццё печы для абпальвання, неабходнага матэрыялу, прадастаўленне спецыяльнага памяшкання і распрацаваная імі спецыяльная вопратка. Усе гэтыя ўкладанні мелі свой плён і даволі хутка прывабілі ў майстэрню маладых крэатыўных людзей з самымі смелымі і творчымі ідэямі. Прыцягвалі іх сюды не толькі выдатныя ўмовы і магчымасць асвоіць старадаўнюю справу, з дапамагой якой можна раскрыць сваё творчае “я”, але і асобы майстроў. Менавіта на іх нястомнай дзейнасці створаны доўгатэрміновы праект. Размова тычыцца метадыстаў–майстроў Разаліны Бусел і Кацярыны Ермаковай, метадыста па дэкаратыўнапрыкладной творчасці Алены Дарашэнка. Прозвішчы іх сталі вядомыя большасці бярэзінцаў у мінулым годзе за актыўнае правядзенне майстар– класаў, выстаў, прэзентацый, удзелу ў злёце маладых спецыялістаў і форумах, дзе яны актыўна знаёмілі людзей самых розных узростаў са сваімі творчымі работамі. Акрамя таго, Разаліна Бусел у мінулым годзе паспела паўдзельнічаць і паказаць свае керамічныя работы і кампазіцыі ў звыш 30 выставах, у тым ліку і міжнародных. Пошук шляхоў замацавання таленавітай моладзі мы маем намер працягнуць і сёлета, гаворыць Галіна Аляксандраўна, – бо маладыя і крэатыўныя юнакі і дзяўчаты павінны адчуваць клопат пра сябе і шчыра дзяліцца творчасцю з намі. Яны ўдыхаюць у наша жыццё глыток свежага паветра і добрых перамен, якія так неабходны культуры нашага раёна. Мілана ТРАПЯНОК. Фота Алены ГРОМАВАЙ. VN:F [1.9.9_1125] please wait... Rating: 10.0/10 (1 vote cast) VN:F [1.9.9_1125] Rating: 0 (from 0 votes) Чтобы разместить новость на сайте или в блоге скопируйте код:
На вашем ресурсе это будет выглядеть так
Так распарадзілася ўзнагародай пераможцы абласнога конкурсу праектаў у галіне рэалізацыі дзяржаўнай маладзёжнай палітыкі ў намінацыі “Творчасць” начальнік...
|
|