Доска почёта Шумилинского района Екатерина Кузьмина. 21.by

Доска почёта Шумилинского района Екатерина Кузьмина

Размер текста:
A
A
A

Источник материала: Герой працы

У танца свая мова
Доска почёта Шумилинского района Екатерина Кузьмина

Сферу культуры на раённай Дошцы гонару прадстаўляе Кацярына Кузьміна, настаўнік Шумілінскай дзіцячай школы мастацтваў па класу харэаграфіі.
Вось яна ідзе – падцягнутая, стройная, спіна роўная, галава прыўзнята.
–  Як вам удаецца заўсёды трымаць сябе ў форме? – пачынаю я гутарку.
–  Працаваць трэба, у тым ліку і над сабой, – не задумваючыся адказвае Кацярына Сяргееўна.
–  Дык жа і іншыя працуюць…
–  Значыць, трэба больш працаваць.
Гэтая безапеляцыйнасць – ад унутранай самадысцыпліны, ад патрабавальнасці, найперш да сябе. Яно і зразумела: заняткі з пяці гадоў спартыўнай гімнастыкай і цыркавым мастацтвам далі трывалыя расткі.
Яна яшчэ доўга вагалася, падабалася ж і медыцына, але харэаграфія ўзяла верх.
З далёкага Екацярынбурга яна прыехала вучыцца ў Віцебскае культурна-асветніцкае вучылішча (цяпер – каледж культуры і мастацтваў), а пасля яго заканчэння аказалася ў Шуміліне. Прафесійнае станаўленне праходзіла ў Доме піянераў балетмайстрам (хаця заняткі з-за адсутнасці базы праходзілі ў РДК), потым працавала настаўнікам рытмікі ў СШ №1, якая ў тыя часы мела музычны ўхіл.
З 2005 года Кацярына Сяргееўна Кузьміна – настаўнік па класу харэаграфіі Шумілінскай ДШМ, вучыць дзетак (а ў яе зараз 40 выхаванцаў у чатырох групах) мастацтву танца, яго выразнай шматграннай мове. Гісторыка-бытавы танец – гэта адна мова, класічны – другая, сучасны эстрадны – трэцяя. А ёсць і яшчэ адна – мова “Экспрэсіі”, ансамбля барабаншчыц, якім паспяхова кіруе Кацярына Кузьміна і які не стамляецца нас здзіўляць новымі перамогамі ўжо і на міжнародным узроўні.
Кацярына Сяргееўна прызнаецца, што ў Шуміліне няма недахопу ў талентах. Іншая справа, што не кожны вытрымае нагрузку, зможа прымусіць сябе да вялікай працы.
Гэта толькі на выхадзе, калі танец чаруе нас лёгкасцю рухаў, нам здаецца, што гэта зусім проста, а на справе за гэтым стаіць сур’ёзная праца, пастаянныя рэпетыцыі і трэніроўкі.
Тыя ж барабаншчыцы, кажа харэограф, найперш вучыліся харэаграфіі, потым “збіраць у адно цэлае рукі-ногі-галаву”, калі трэба дроб барабанных палачак і танцавальныя рухі злучыць у адну кампазіцыю, прадэманстраваць зладжанасць і артыстызм у тым жа Радзецкім маршы ці Усходнім танцы.
Тым не менш, заўсёды ёсць куды расці. Гэта яны адчулі і на тым жа фестывалі-конкурсе ў Вялікіх Луках. І вось ужо Кацярына Кузьміна загарэлася асвоіць батан цвірлінг – такі неалімпійскі від спорту, у якім танцавальныя і спартыўныя рухі спалучаюцца з вярчэннем батана (металічнага стрыжня з гумавымі наканечнікамі), і ёй пайшлі насустрач: ужо закупілі батаны.
Але ж новая справа патрабуе новых ведаў і ўменняў. А кіраўнік заўсёды пачынае з сябе. Каб вучыць іншых, трэба ўмець самому. І яна не стамляецца вучыцца. І з раніцы ў якасці зарадкі, і пасля 19 гадзін, калі ў яе заканчваюцца заняткі ў харэаграфічных гуртках, паміж кухняй і гасцінай яна круціць батан, дробіць барабаннымі палачкамі, падбірае мелодыю пад новую кампазіцыю, а заадно мацуе цела і дух.
–  Адкуль бераце энергію?
–  Выхаванцы дзеляцца. Яны нават не падразумяваюць, што кожны з іх – адкрыццё. Часам яны самі, не заўважаючы таго, падкідваюць ідэі, дапамагаюць нараджэнню новай кампазіцыі. Натхненне дае і прырода, якой я ўдзячна за любую пару года. Вось зараз люблю няспешна ісці з работы на свой Брыкет і любавацца кожным восеньскім дрэвам, кожным колерам заходзячага сонца.
–  Вы знаходзіце сілы яшчэ і вучыцца завочна?
–  У нейкі час я адчула, што мне не хапае ўнутранага росту, і я паступіла ў Віцебскі дзяржуніверсітэт Машэрава, вывучаю сацыяльную педагогіку і псіхалогію і разумею, што вучоба мне сапраўды была неабходна.
–  А як жа Екацярынбург, у вас там засталіся родзічы?
–  Екацярынбург чакае. У мяне там мама, тры браты, сястра, пляменнікі, а яшчэ – бабуля, якая нядаўна справіла 100-гадовы юбілей. Не здзіўляйцеся, мая прабабка дажыла да 103-х. Вось закончу ўніверсітэт, і паеду ў госці. А пакуль што ўсе мае водпускі ідуць на вучобу, якая ўвесь час адкрывае для мяне нешта новае. А я люблю такія адкрыцці!
Аліна ПЯТРОВА.
Фота з асабістага архіва Кацярыны Кузьміной.
Надрукавана ў №79 ад 12.10.2018 г.
 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
У танца свая мова Сферу культуры на раённай Дошцы гонару прадстаўляе Кацярына Кузьміна, настаўнік Шумілінскай дзіцячай школы мастацтваў па класу харэаграфіі....
 
 
 


Архив (Новости Общества)

21.by в социальных сетях

Свежие газеты

18.06.2019
Mir24.TV Belarus
Кобринский вестник
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Новости Докшицы
Міёрскія навіны
Голас Сененшчыны
Патриот (Ушачи)
Чырвоны прамень
Клiч Радзiмы
Герой працы
Газета Авангард
Новости Волковыска
Вороновская газета
Ивьевский край
Полымя
Lida.Info
Единство
Новости Дзержинска
Нясвижскiя навiны
Слуцк Город
Смалявiцкi край
Soligorsk News
Радзiма
Горецкий вестник
Савецкая вёска
Кировец
Новости Хотимска
Святло кастрычнiка (Мстиславль)
19.06.2019
Mir24.TV Belarus
Кобринский вестник
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Новости Докшицы
Патриот (Ушачи)
Чырвоны прамень
Клiч Радзiмы
Герой працы
Газета Авангард
Новости Волковыска
Вороновская газета
Ивьевский край
Полымя
Единство
Новости Дзержинска
Нясвижскiя навiны
Слуцк Город
Смалявiцкi край
Soligorsk News
Маяк Преднепровья
Радзiма
Горецкий вестник
Савецкая вёска
Кричевская жизнь
Новости Хотимска
Святло кастрычнiка (Мстиславль)

© 2004-2018 21.by
Яндекс.Метрика