Iнiцыятыва – у дзеяннi. 21.by

Iнiцыятыва – у дзеяннi

Размер текста:
A
A
A

На мінулым тыдні ў Жабінкаўскім тэрытарыяльным цэнтры сацыяльнага абслугоўвання насельніцтва прайшоў майстар-клас па скандынаўскай хадзьбе для пажылых людзей, які правёў трэнер Ігар Галавейка. Нагадаем чытачам, што тэрытарыяльны цэнтр разам з раённай арганізацыяй Беларускага грамадскага аб’яднання ветэранаў рэалізуюць на Жабінкаўшчыне сумесную ініцыятыву “Шлях да даўгалецця” (каардынатар – псіхолаг цэнтра Вольга Рэбякеўша) для грама-дзян пажылога ўзросту. Яна ажыццяўляецца ў раёне ў рамках праекта
ЕС-ААН “Прафілактыка неінфекцыйных захворванняў, прасоўванне здаровага ладу жыцця і падтрымка мадэрнізацыі сістэмы аховы здароўя ў Рэспубліцы Беларусь” (“БЕЛМЕД”), які фінансуецца Еўрапейскім саюзам і рэалізуецца ПРААН, СААЗ, ЮНІСЕФ і ЮНФПА ў супрацоўніцтве з Міністэрствам аховы здароўя Беларусі.
У сваім уступным слове Ігар Валер’евіч расказаў прысутным, што скандынаўская хадзьба ўмацоўвае сардэчна-сасудзістую і дыхальную сістэмы, каленныя і галенастопныя суставы, павышае мышачны тонус, зніжае артэрыяльны ціск, паляпшае кровазварот. Яна карысная для паставы. Заняткі гэтым відам фізічнай актыўнасці зараджаюць бадзёрасцю і пазітывам, падымаюць настрой.
Трэнер наглядна прадэманстраваў, як устанаўліваць даўжыню палак пад свой рост, як правільна замацоўваць іх у руках з дапамогай лямак, пазнаёміў з тэхнікай скандынаўскай хадзьбы.
Ігар Валер’евіч звярнуў увагу, што палкі маюць наканечнікі для зямлі і лёду, а таксама спецыяльныя каўпачкі для асфальта. Тым жа, хто толькі пачынае, параіў аддаваць перавагу грунту і пяску і ў дзень займацца не больш за паўгадзіны. Перад заняткамі можна правесці размінку – трэнер паказаў, як пры гэтым магчыма выкарыстоўваць палкі. Падкрэсліў таксама: пры скандынаўскай хадзьбе патрэбны зручны абутак, найбольш падыдуць красоўкі. Гаварыў і пра тое, што для пачынаючых важна знайсці свой асабісты тэмп, каб заняткі прыносілі карысць і задавальненне. Тым жа, хто жадае пачаць займацца скандынаўскай хадзьбой, неабходна пракансультавацца з лечачым урачом, каб выключыць супрацьпаказанні. Адказаў Ігар Валер’евіч і на шматлікія пытанні, якія паступілі ад прысутных падчас майстар-класа.
На ім прысутнічалі таксама і ганаровыя госці: каардынатар ініцыятыў праекта “БЕЛМЕД” Таццяна Снітко, рэгіянальны каардынатар па Брэсцкай вобласці Алена Буднік і спецыяліст Надзея Леанавец.
Таццяна Снітко, узяўшы слова, расказала, што для ўдзелу ў праекце з Брэсцкай вобласці паступіла 47 заявак. У выніку былі адабраны 23 самыя цікавыя ініцыятывы, накіраваныя на прапаганду здаровага ладу жыцця, з якіх тры сталі пераможцамі. У гэтую тройку ўвайшла і жабінкаўская ініцыятыва – “Шлях да даўгалецця”. Для яе паспяховай рэалізацыі вы-дзяляюцца сродкі на набыццё інвентару, які па завяршэнні праекта застанецца ў раёне.
Да слова, у рамках ініцыятывы было закуплена наступнае абсталяванне: для заняткаў гімнастыкай – мячыкі і дыванкі, для лыжнай хадзьбы – лыжы, для скандынаўскай – палкі, а таксама веласіпеды. На базе тэрытарыяльнага цэнтра дзейнічае бясплатны пункт пракату інвентару. Зараз можна ўзяць веласіпеды і скандынаўскія палкі, зімою – лыжы. Для гэтага звяртайцеся па адрасе: г. Жабінка, вул. Калгасная, 4 або тэлефануйце на нумар 2-35-64.
Усім вядома наступнае выказванне: “Рух – гэта жыццё”. Памятайце пра гэта і будзьце здаровыя!
На здымку: Таццяна СНІТКО і Ігар ГАЛАВЕЙКА.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
На мінулым тыдні ў Жабінкаўскім тэрытарыяльным цэнтры сацыяльнага абслугоўвання насельніцтва прайшоў майстар-клас па скандынаўскай хадзьбе для пажылых людзей,...
 
 
 


Архив (Новости Спорта)

21.by в социальных сетях

Свежие газеты

18.10.2018
Mir24.TV Belarus
Івацэвіцкі веснік
Кобринский вестник
Навiны Палесся
Полесская правда
Пинский Вестник
Гарадоцкi веснiк
Новости Докшицы
Днепровская правда (Дуюровно)
Лепельский край
Міёрскія навіны
Герой працы
Газета Авангард
Лоевский край
Чырвоны Кастрычнiк
Петрыкаускiя навiны
Хойницкiя навiны
Новости Волковыска
Вороновская газета
Ивьевский край
Полымя
Заря над Неманам
Свислочская газета
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Soligorsk News
Маяк Преднепровья
Радзiма
Горецкий вестник
Новости Хотимска
Новы дзень (Жлобин)
Перамога (Дятлово)
Святло кастрычнiка (Мстиславль)
19.10.2018
Mir24.TV Belarus
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Новости Докшицы
Днепровская правда (Дуюровно)
Міёрскія навіны
Герой працы
Газета Авангард
Лоевский край
Чырвоны Кастрычнiк
Петрыкаускiя навiны
Хойницкiя навiны
Новости Волковыска
Вороновская газета
Ивьевский край
Полымя
Заря над Неманам
Свислочская газета
Светлы шлях
Единство
Нясвижскiя навiны
Слуцк Город
Смалявiцкi край
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Асiповiцкi край
Новости Хотимска
Новы дзень (Жлобин)
Святло кастрычнiка (Мстиславль)


Партнёры

© 2004-2018 21.by
Яндекс.Метрика