Шумилинские волейболистки вырвали победу. 21.by

Шумилинские волейболистки вырвали победу

Размер текста:
A
A
A

Источник материала: Герой працы

Шумилинские волейболистки вырвали победу
Перамога ў шумілінскіх валейбалістак
Каманда Шумілінскай СДЮШАР стала пераможцам адкрытага турніру па валейболе сярод  дзяўчынак 2005 года нараджэння і маладзей, прысвечанага памяці Героя Савецкага Саюза Пятра Акуцыёнка. У спаборніцтвах, якія прайшлі 5-6 кастрычніка ў Шуміліне,  нашы зямлячкі былі мацнейшымі.

Удзельнікаў спаборніцтваў вітала старшыня раённага Савета дэпутатаў Ірына Новікава: “Жаночы валейбол – яркі і непрадказальны, прыгожы і эмацыянальны. Упэўнена, што сёлетні турнір падорыць безліч радасці і перажыванняў як для саміх удзельнікаў, так і для балельшчыкаў. Ну, і зразумела, перамога будзе за той камандай, якая больш гэтага хацела і больш трэніравалася”.

Шумилинские волейболистки вырвали победу
За перамогу змагаліся каманды са спецыялізаваных дзіцяча-юнацкіх школ алімпійскага рэзерву Шуміліна, Оршы, Наваполацка, спартыўнай школы Пскова і рэспубліканскага дзяржаўнага вучылішча алімпійскага рэзерву Мінска. Кожны з пяці калектываў – вопытны, са сваім гульнявым почыркам.  Пра кожную з каманд можна сказаць, што валейбалісткі добра разумеюць сваіх сябровак па пляцоўцы, выконваюць трэнерскія задумы, разыгрываюць цікавыя камбінацыі, а ў спартыўнай скарбонцы – багата перамог і прызавых месцаў на розных стартах.

Шумилинские волейболистки вырвали победу
Адкрывала спартыўную частку гульня “Шуміліна”–“Наваполацк”. Кацярына Асташонак, Наталля Казьміна, Марыя Кралько, Аксана Быстрова, Анастасія Бабарэка, Кацярына Вінаградава, Аксана  Навіцкая, Аліна Ільінец, Вікторыя Асташонак і Святлана Тарасава  з першай падачы паказалі, што на хатнім турніры яны будуць змагацца толькі за перамогу. У шумілінскіх валейбалістак атрымлівалася ўсё  – бездакорныя падачы, упэўнены прыём, надзейныя блокі, моцныя ўдары ў нападзенні. І, галоўнае, быў камандны дух. Як вынік, перамога з яўнай перавагай.
У матчы супраць аршанскай каманды трэнер Людміла Харкавец дала шанс пагуляць бліжэйшаму рэзерву каманды. І дзяўчаты не падвялі свайго трэнера. Магчыма, у іх дзесьці не хапала спартыўных уменняў, але жадання гуляць было хоць адбаўляй. І гэтага хапіла для перамогі.

Шумилинские волейболистки вырвали победу
Да сваёй сустрэчы “Шуміліна” і “Мінск” падышлі з трыма перамогамі. У асабістай сустрэчы паміж імі і вырашаўся лёс першага месца. Адразу ініцыятывай завалодалі госці, 0:2 на карысць “Мінска”. Але трэнер Людміла Харкавец змагла “вярнуць” каманду ў гульню: “Шуміліна” зраўняла лік. Усё вырашыла апошняя пятая партыя, якая прайшла пры гучнай падтрымцы гледачоў.  І нашы валейбалісткі змаглі абыграць мінчанак.

Шумилинские волейболистки вырвали победу
Па выніках турніру першае месца ў “Шуміліна”, другое – у “Мінска”, трэцяе – у “Наваполацка”.  Лепшым іграком турніру была прызнана Марыя Кралько, прыз сімпатый гледачоў дастаўся Кацярыне Вінаградавай.
Аляксандр ШЭДЗЬКО.
Надрукавана ў №80 ад 11.10.2019 г.
 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Перамога ў шумілінскіх валейбалістак Каманда Шумілінскай СДЮШАР стала пераможцам адкрытага турніру па валейболе сярод  дзяўчынак 2005 года нараджэння і маладзей,...
 
 
 


Архив (Новости Спорта)

21.by в социальных сетях



Партнёры

© 2004-2019 21.by
Яндекс.Метрика