Гатаваныя шыпулькi прагоняць падагру

Источник материала:

Доктар-прырода

1. Штодзень спажываць па 100 грамаў цёртай морквы (церцi на дробнай тарцы i дадаваць адну сталовую лыжку алею).

2. Узяць 4 лiмоны (папярэдне выдалiць костачкi) i 3 галоўкi часнаку (абавязкова пачысцiць), прапусцiць праз мясарубку. Атрыманую масу залiць 7 шклянкамi кiпеню, перамяшаць, настояць суткi, працадзiць. Пiць па 40 мiлiлiтраў перад ядой адзiн раз у дзень.

3. 40 грамаў здробненых створак фасолi звычайнай залiць адным лiтрам вады, гатаваць у закрытай пасудзiне на вадзяной лазнi адну гадзiну, працадзiць. Прымаць па адной сталовай лыжцы 4—5 разоў на дзень.

4. Дзве сталовыя лыжкi лiсця бруснiц залiць адной шклянкай гарачай гатаванай вады. Закрыць накрыўкай i награваць на вадзяной лазнi 30 хвiлiн, астудзiць. Пiць па 1/2—1/3 шклянкi 2—3 разы на дзень. Захоўваць настой у прахалодным месцы не больш чым двое сутак.

5. Здробненыя i абвараныя кiпенем свежыя шыпулькi сасны выкарыстоўваць для кампрэсаў.

6. Актываваны вугаль здрабнiць, змяшаць са здробненым iльняным семем у прапорцыi 1:1, развесцi вадой да пастападобнага стану, абкладваць суставы.

Перад пачаткам лячэння пракансультуйцеся са спецыялiстам.

Вядучая рубрыкi Iнга МIНДАЛЁВА.