Ён, яна, яны?

25.08.2009 21:33 — |

Размер текста:: A; A; A

Источник материала:

Вiкторыя ЦЕЛЯШУК

Еўрабачанне-2006

Сёння ў Палацы Рэспублiкi адбудзецца канцэрт фiналiстаў рэспублiканскага адборачнага туру Мiжнароднага конкурсу песнi «Еўрабачанне-2006» — «Дарога на Еўрабачанне». Прамая трансляцыя канцэрта пачнецца ў 18.20 у эфiры Першага нацыянальнага тэлеканала.

Адразу пасля выступлення 15 канкурсантаў пройдзе iнтэрактыўнае галасаванне гледачоў. Зрабiць свой выбар можна, набраўшы тэлефонны нумар 8-803-100-03-ХХ (ХХ — нумар выканаўцы, якi вам найбольш спадабаўся, напрыклад, 03 або 14). Дарэчы, як пацвердзiлi ў прэс-службе Белтэлерадыёкампанii, званок будзе бясплатным i даступным для ўсiх абанентаў агульнай тэлефоннай сеткi i мабiльных аператараў, акрамя МТС. Нагадаем, па вынiках галасавання будуць вызначаны тры песнi, выканаўцы якiх пачнуць падрыхтоўку да «Еўрабачання-2006». Напрыканцы лютага арганiзацыйны камiтэт разам з прафесiйным журы зробiць свой канчатковы выбар песнi-пераможцы i асноўнага ўдзельнiка, якi i будзе названы афiцыйным прадстаўнiком Беларусi на конкурсе ў Афiнах.

У КУЛУАРАХ

Дакладна вядома, што Палiна Смолава, якой дастаўся прэстыжны 15-ы нумар, змянiла заяўленую песню «Сайт адзiноты» на песню «Мама». На конкурс былi дасланы абедзве кампазiцыi, так што фармальна правiлаў адбору спявачка не парушыла — хiба толькi зрабiла непрыемны сюрпрыз канкурэнтам. Чаму дзяўчына, якая хвалiлася добрай англiйскай мовай «з амерыканскiм акцэнтам», аддала перавагу рускамоўнай песнi — гэта пытанне пакiнем адкрытым. Гэтаксама на рускай мове будуць спяваць дуэт Руслана Мусвiдаса i Святланы Вежнавец i Iрына Дарафеева. Некаторым паненкам (а сёлета ў нацыянальным адборы ўдзельнiчаюць 10 «сольных» спявачак) будуць дапамагаць на сцэне групы падпеўкi (Алене Грышанавай) i падтанцоўкi (Iрыне Дарафеевай). Што процiпаставяць дзявочаму хараству, прыбранаму моднымi дызайнерамi, прадстаўленыя ў меншасцi хлопцы — убачым...