Главная
Гороскопы
Жывi, сэрца, без адмоўных эмоцый!Iнфарм-укол Пацыенты з iшэмiчнай хваробай сэрца i схiльнасцю да адмоўных эмоцый, якiя, як правiла, хаваюцца ад навакольных, у большай ступенi, чым астатнiя, рызыкуюць захварэць на iнфаркт мiякарда, падвергнуцца аперацыi на сэрцы цi памерцi ад кардыялагiчных захворванняў.Вучоныя з Бельгii i Галандыi на працягу пяцi гадоў даследавалi пацыентаў з iшэмiчнай хваробай сэрца. На пачатку даследавання пацыенты запоўнiлi анкету, згодна з якой быў ацэнены ўзровень стрэсу кожнага. Аказалася, што схiльныя да адмоўных эмоцый, у 5 разоў мацней рызыкуюць захварэць на iнфаркт або памерцi. Iншымi фактарамi рызыкi аказалiся знiжэнне помпавай функцыi сэрца i адсутнасць каранарнага шунцiравання ў анамнезе. Узровень псiхалагiчнага стрэсу на рызыку iнфаркту i смерцi не ўплываў. ВЫРАТОЎВАЙ, ТАЛIЯ, ЖОЎЦЕВЫ ПУЗЫР З павелiчэннем памеру талii i суадносiнаў аб’ёму талii да аб’ёму сцёгнаў у жанчын узрастае верагоднасць сутыкнення з аперацыяй па выдаленню жоўцевага пузыра. Амерыканскiя ўрачы высветлiлi, што жанчыны з самымi шырокiмi талiямi падвяргаюцца аперацыi ў два разы часцей, чым з самымi вузкiмi талiямi. Вучоныя выкарысталi даныя аб больш як 42 тысячах жанчын ва ўзросце 39—66 гадоў. На пачатак даследавання нi ў адной з iх не было прыкмет жоўцекамянёвай хваробы (праўда, iм не праводзiлi ультрагукавое даследаванне). Праз 14 гадоў 3127 жанчынам быў выдалены жоўцевы пузыр. Было ўстаноўлена, што жанчыны з аб’ёмам талii звыш 91 см падвяргаюцца аперацыi на 96 працэнтаў часцей, чым тыя, у каго аб’ём талii менш за 66 см. АДНАРАЗОВАЯ ЗДРАДА — ГЭТА МIФ Паводле нямецкага даследавання, псiхiчнаму i фiзiчнаму здароўю чалавека, якому здрадзiў партнёр, адназначна наносiцца шкода. Было ўстаноўлена, што аднаразовая здрада — гэта мiф. У людзей, якiя даведалiся пра здраду любiмага, сiмптомы падобныя на тыя, якiя перажываюць пацыенты з траўмамi. 66 працэнтаў мужчын i 61 працэнт жанчын скардзяцца на бяссоннiцу, 69 i 62 працэнты адпаведна маюць цяжкасцi з канцэнтрацыяй увагi, 68 i 69 — сутыкаюцца пасля перажытага са страхам перад будучыняй. Толькi 12 працэнтаў сярод здраднiкаў-мужчын i 9 працэнтаў жанчын здраджвалi сваiм партнёрам аднаразова. 41 працэнт мужчын i 46 працэнтаў жанчын-здраднiкаў падтрымлiваюць такiя адносiны на працягу ад месяца да паўгода, а 29 i 23 працэнты — даўжэй. Прычынай, якая падштурхнула да здрады, з’яўляецца ў большасцi выпадкаў сэксуальная незадаволенасць партнёрам.
Чтобы разместить новость на сайте или в блоге скопируйте код:
На вашем ресурсе это будет выглядеть так
Пацыенты з iшэмiчнай хваробай сэрца i схiльнасцю да адмоўных эмоцый, якiя, як правiла, хаваюцца ад навакольных, у большай ступенi, чым астатнiя, рызык
|
|