Праблема вясковай дарогi вырашылася

Источник материала:

Дарэчы, гэта дарога з’яўляецца транзiтным шляхам для машын, i таму, акрамя добраўпарадкавання, вырашаецца i праблема праезду для аўтатранспарту — вялiкi паток грузавых i легкавых машын праходзiць праз Валожынскi раён штодня.

— Мясцовыя ўлады адрэагавалi хутка, — паведамiла сакратар Ракаўскага сельскага Савета Наталля Шабаловiч. — Праклалi асфальт, спiлавалi старыя дрэвы, добраўпарадкавалi ўчасткi каля дарогi, каб жыхарам было зручней. Акрамя цэнтральнай часткi, дзе зараз кладзецца асфальт, у вёсцы шмат хутароў, пад’езды да якiх таксама былi дрэнныя. Зiмой нават нельга было прайсцi да суседняга дома. Мы дапамаглi i ў гэтым — засыпалi ямы пяском i гравiем, зрабiлi дарогу роўнай, каб можна было i на машыне праехаць.

Вяскоўцы ў сталым узросце, якiя большую частку жыцця пражылi ў Душкаве, з падзякай адзначаюць, што стала значна зручней:

— Мы вельмi ўдзячны за дапамогу i кiраўнiку дзяржавы, i старшынi абласнога выканаўчага камiтэта. Запрашаем iх да сябе ў госцi. Раней было што? Адны ямiны на дарозе, зусiм не прайсцi. А пасля нашага звароту адразу ж адчулi паляпшэнне, — кажа жыхарка вёскi Станiслава Шыкут.

У гэтым годзе на добраўпарадкаванне дарог у малых вёсках Валожыншчыны было выдаткавана каля 1,3 мiльярда рублёў — прыблiзна каля 30 працэнтаў ад агульнай сумы, прызначанай на рамонт i ўтрыманне дарог у раёне. На Душкава выдзелена каля 150 мiльёнаў рублёў, якiя пайшлi на рамонт транзiтнага аўтамабiльнага шляху «Ракаў—Волма» i на асфальтаванне вулiц у самой вёсцы (гэта каля двух кiламетраў асфальту). Работы падыходзяць да завяршэння.