Кампенсацыя за нявыкарыстаны водпуск падаткам абкладаецца
Сяргей РАСОЛЬКА
«Гарачы» тэлефон «Звязды» 287-17-41 Муж жыхаркi вёскi Новадзевяткавiчы Слонiмскага раёна Нiны Мiхайлаўны Крэчык — Мiкалай Аляксандравiч — пасля выхаду на пенсiю яшчэ пэўны час працаваў па кантракту старшым дыспетчарам у сельгаспрадпрыемстве. Нядаўна яго скарацiлi, прычым зроблена ўсё было з захаваннем патрэбных у такiх выпадках працэдур: чалавека папярэдзiлi за два месяцы, выплацiлi дапамогу за тры месяцы i кампенсацыю за два нявыкарыстаныя водпускi. Менавiта з-за апошняй i ўзнiкла праблема: цi павiнны з памянёнай кампенсацыi браць падаходны падатак?— I ў бухгалтэрыi гаспадаркi, i ў нашай падатковай iнспекцыi нам адказалi, што такi падатак павiнен вылiчвацца, — гаварыла Нiна Мiхайлаўна. — Але вось перада мной «Звязда» за 18 лiпеня, дзе вы праводзiлi «прамую лiнiю» з удзелам спецыялiстаў Мiнiстэрства працы i сацыяльнай абароны. На аналагiчнае пытанне заяўнiцы — цi павiнны браць падаходны падатак з сумы кампенсацыi за нявыкарыстаны водпуск — яны даюць адказ: не павiнны. Дапамажыце нам разабрацца ў сiтуацыi. Просьбу чытачкi мы ў сваю чаргу адрасавалi начальнiку ўпраўлення прававога забеспячэння i нагляду дэпартамента дзяржаўнай iнспекцыi працы Мiнiстэрства працы i сацыяльнай абароны Алене Камiсаравай. — Згодна з артыкулам 12 Закона Рэспублiкi Беларусь «Аб падаходным падатку з фiзiчных асоб», падаходным падаткам не абкладаецца выхадная дапамога ў памеры трох сярэднямесячных заробкаў. Калi ж яна перавышае памер трох сярэднямесячных заробкаў (гэта можа быць прадугледжана, напрыклад, калектыўным дагаворам цi галiновым пагадненнем), тады падаходным падаткам абкладаецца сума звыш памеру трох сярэднямесячных заробкаў, — паведамiла Алена Васiльеўна. — Падпункт 1.3 пункта 1 гэтага ж артыкула 12 закона гаворыць, што кампенсацыя за нявыкарыстаны водпуск падаходным падаткам абкладаецца.
Чтобы разместить новость на сайте или в блоге скопируйте код:
На вашем ресурсе это будет выглядеть так
Муж жыхаркi вёскi Новадзевяткавiчы Слонiмскага раёна Нiны Мiхайлаўны Крэчык — Мiкалай Аляксандравiч — пасля выхаду на пенсiю яшчэ пэўны час працаваў п
|
|