Артыстка з народа — Марыя Захарэвiч

Источник материала:

У шчырых сяброў i паклоннiкаў Купалаўскага тэатра свята — любiмая актрыса, народная артыстка Беларусi Марыя Захарэвiч адзначае юбiлей.

— Чаму вы як рэжысёр спынiлi выбар менавiта на гэтай п’есе?

— Бо ў ёй узнiмаецца блiзкая многiм тэма: людзi жывуць разрознена, шмат адзiнокiх людзей. Мы хацелi паказаць i падказаць гледачу: якая б нi была ў чалавека гардыня, як бы ён нi хаваў i не прызнаваў свае хваробы — але прыходзiць такi момант, калi неабходна дапамога другога чалавека. Гэта вельмi важна. Гэта падтрымлiвае — нават звычайная магчымасць пагаварыць. Iншы раз у людзей так складваюцца абставiны, што яны размаўляюць самi з сабой цi... са сценамi. Трэба больш чуйна адносiцца да тых, хто побач.

— Марыя Георгiеўна, у п’есе закранаецца таксама праблема ўзросту. А што такое, на ваш погляд, узрост для актрысы?

— Гэта змена роляў, безумоўна. У сталыя гады не будзеш iграць студэнтку... Але самае галоўнае — як чалавек сябе пачувае. Гэта датычыцца ў першую чаргу здароўя, душэўнага стану. Чалавек, калi ўсё добра, увогуле не думае пра ўзрост, пра гады.

— Апошнiм часам ледзь не ў моду ўвайшлi размовы пра пластычныя аперацыi, усялякiя аперацыi па амаладжэнню i г.д. Вашы адносiны да гэтага?

— Гэта асабiстая справа кожнага. Але я пераканана: «якасць» душы чалавека выяўляецца на знешнасцi, вось пра што варта задумацца. Можна зрабiць пластычную аперацыю — i пры гэтым хадзiць з панiклай галавой i душэўным «хаосам», закамплексаваным... Выбар — за кожным.

— Марыя Георгiеўна, цiкава, а чаму ва ўсiх энцыклапедыях, дакументах значыцца ваш дзень нараджэння 28 лiстапада? Чаму вас «памаладзiлi» на цэлы тыдзень?

— Я нарадзiлася, як мама сказала, 21 лiстапада — на Мiхаiла Архiстрацiга. Даўней жа запамiналi не чыслы нараджэння, а святы. Запiсалi нараджэннем 28-е, пэўна, калi хрысцiлi. Таму дзень нараджэння я святкую двойчы.

Ад усiх прыхiльнiкаў яркага таленту Марыi Захарэвiч — шчыра зычым здароўя, душэўнага ўздыму, шмат цiкавай творчай працы, новых роляў i спектакляў!

Таццяна ПАДАЛЯК.