Хроніка апошніх падзей
ПАПА РЫМСКI ПРЫБЫЎ У АНКАРУ
Бенедыкт XVI учора прыбыў з афiцыйным чатырохдзённым вiзiтам у сталiцу Турцыi Анкару. Паводле слоў Папы, тэмамi для яго сустрэч у Турцыi стануць «дыялог, братэрства, адданасць узаемаразуменню памiж культурамi i рэлiгiямi». Плануецца, што Бенедыкт XVI наведае шэраг гарадоў Турцыi, дзе сустрэнецца з мясцовымi рэлiгiйнымi лiдарамi i грамадскiмi дзеячамi. Асноўныя мерапрыемствы з удзелам Папы Рымскага пройдуць у Стамбуле. Там ён наведае мясцовы каталiцкi храм i Святую Сафiю — старадаўнюю вiзантыйскую хрысцiянскую царкву, якую мусульмане перарабiлi ў мячэць. Турэцкiя мусульмане, пакрыўджаныя на Папу за тое, што ён цытаваў сярэднявечны антыiсламскi тэкст, пратэстуюць супраць вiзiту кiраўнiка Рымскай каталiцкай царквы. Улiчваючы такiя абставiны, ахова Бенедыкта XVI будзе ўзмоцнена. У прыватнасцi, чакаецца, што падчас публiчных выступленняў на iм будзе бронежылет. ЛIТВА АБВIНАВАЦIЛА ЛАТВIЮ Ў АЎТАМАБIЛЬНАЙ БЛАКАДЗЕ РФ Лiтва аб’явiла тры памежных з Латвiяй раёны зонай экстрэмальнай сiтуацыi. Гэта рашэнне звязана з тым, што ўлады Латвii спасылаючыся на неабходнасць забяспечыць бяспеку ўдзельнiкаў самiта НАТО ў Рызе i з-за дрэннага стану дарог, якiя вядуць у пагранзону з Расiяй, практычна заблакiравалi ўезд з Лiтвы грузавых машын з таварамi для расiйскага рынку. На ўсiх КПП Лiтвы на мяжы з Латвiяй ужо тыдзень прастойваюць шматкiламетровыя чэргi фур. У вынiку перамоў мiнiстраў унутраных спраў двух прыбалтыйскiх рэспублiк выйсце з сiтуацыi не было знойдзена. Кiраўнiк МУС Лiтвы Раймандас Шукiс заклiкаў перавозчыкаў свае грузы ў Расiю накiроўваць праз беларускiя пагранпераходы. УСТУПЛЕННЕ ТУРЦЫI Ў ЕС ПАД ПАГРОЗАЙ ЗРЫВУ Перамовы памiж ЕС i Турцыяй адносна Кiпра завяршылiся нiчым. Пра гэта заявiў мiнiстр замежных спраў Фiнляндыi Эркi Туомiойя. Прадстаўнiкi Еўрасаюза гавораць, што правал перамоў можа прывесцi да зрыву падпiсання пагаднення аб уступленнi Турцыi ў Еўрапейскi Саюз. «Мы зробiм адпаведныя высновы», — паабяцаў мiнiстр, прадстаўляючы iнтарэсы краiны, якая зараз старшынствуе ў ЕС. Раней Еўрасаюз запатрабаваў ад Турцыi да 6 снежня адкрыць свае парты i аэрапорты для тавараў з Рэспублiкi Кiпр. Анкара згодна зрабiць гэта толькi ў выпадку, калi ЕС паабяцае паслабiць эмбарга ў адносiнах да Турэцкай Рэспублiкi Паўночнага Кiпра. ПАЙШЛА З ЖЫЦЦЯ АКТРЫСА ЛЮБОЎ ПАЛIШЧУК Учора ранiцай у Маскве ва ўзросце 57 гадоў памерла актрыса тэатра i кiно Любоў Рыгораўна Палiшчук. Паводле iнфармацыi СМI, у апошнiя гады актрыса пакутавала ад цяжкага захворвання пазваночнiка. Любоў Палiшчук дэбютавала ў кiно ў 1977 годзе ў Марка Захарава ў эпiзадычнай ролi ў фiльме «12 крэслаў». Пазней былi работы ў стужках «Прыгоды прынца Фларызеля», «Водпуск за свой кошт», «Змеялоў», «Iнтэрдзяўчынка», «Мая марачка», «Бабнiк», «Iмпатэнт», «Шырлi-Мырлi», папулярным тэлесерыяле «Мая чароўная няня».
Чтобы разместить новость на сайте или в блоге скопируйте код:
На вашем ресурсе это будет выглядеть так
Бенедыкт XVI учора прыбыў з афiцыйным чатырохдзённым вiзiтам у сталiцу Турцыi Анкару
|
|