Дэнамiнацыi не будзе!

Источник материала:

— Нацыянальны банк запэўнiвае, што ў 2007 годзе не плануецца праводзiць дэнамiнацыю, — каментуе «Звяздзе» чарговую выдумку прэс-сакратар Нацыянальнага банка Беларусi Мiхаiл ЖУРАВОВIЧ.

— У снежнi некаторыя беларусы, заклапочаныя сiтуацыяй вакол паставак расiйскага газу, размовамi аб павышэннi цаны на палiва i, як вынiк, мяркуемым павышэннем тэмпаў iнфляцыi, кiнулiся ў банкi: нехта здымаў тэрмiновыя рублёвыя ўклады i пераводзiў iх у валютныя, iншыя проста прыходзiлi з рублямi, каб набыць СКВ. У людзей iснуюць апасеннi, што курс рубля не ўтрымаецца ў запланаваных на наступны год межах.

— Сапраўды, напачатку так i было. Аднак зараз сiтуацыя стабiлiзавалася, i насельнiцтва здымае грошы ў асноўным з бягучых рахункаў — пенсii, заработную плату. Што датычыцца попыту на долары ў абменных пунктах, то, так, ён захоўваецца. Калi весцi гутарку пра курс беларускага рубля, то Нацыянальны банк прыкладзе ўсе намаганнi, каб усе паказчыкi зацверджаных кiраўнiком дзяржавы Асноўных напрамкаў грашова-крэдытнай палiтыкi Беларусi на 2007 год былi выкананы.

Як вядома, гэтым дакументам прадугледжана змяненне афiцыйнага курса беларускага рубля ў адносiнах да долара ЗША ў межах плюс/мiнус 2,5 працэнта на 1 студзеня 2008 года. Дадам, што Нацбанк i надалей мае намер праводзiць палiтыку ўмацавання нацыянальнай валюты.

— Цi захаваюцца ў наступным годзе найбольш прывабныя ўмовы для захоўвання зберажэнняў ва ўкладах менавiта ў беларускiх рублях?

— Як i ў папярэднiя гады, узровень працэнтных ставак па дэпазiтах у нацыянальнай валюце будзе перавышаць як тэмпы iнфляцыi, так i даходнасць па зберажэннях у СКВ.