Главная
Гороскопы
Кожнай птушцы — па прышчэпцы
Днямi ў Беларусi распачалася вакцынацыя супраць птушынага грыпу свойскай птушкi ў населеных пунктах, размешчаных на адлегласцi 500 метраў ад адкрытых вадаёмаў i трох кiламетраў — ад прадпрыемстваў птушкагадоўлi. Усяго ў нашай краiне налiчваецца 7 тысяч такiх населеных пунктаў.
Вакцынацыя свойскай птушкi праводзiцца напярэдаднi масавай мiграцыi пералётных птушак, паколькi менавiта веснавую мiграцыю спецыялiсты лiчаць найбольш небяспечнай у плане заносу на нашу тэрыторыю ўзбуджальнiка птушынага грыпу. Трэба заўважыць, што вакцынацыя свойскай птушкi за дзяржаўны кошт праводзiлася i летась, прычым кожная птушка прышчаплялася двойчы. А паколькi дзве прышчэпкi гарантуюць пажыццёвы iмунiтэт, зараз прышчапляцца будзе толькi маладняк, а таксама тыя птушкi, якiм патрабуецца паўторная прышчэпка. Для гэтых мэтаў ветэрынарныя службы назапасiлi 2,3 мiльёна доз вакцыны. Таксама з 12 сакавiка пачала дзейнiчаць забарона на выгульнае ўтрыманне свойскай птушкi, якая будзе адменена пасля завяршэння мiграцыi дзiкiх птушак. Свойскую птушку трэба трымаць або ў межах уласнага падворка, або ў закрытых памяшканнях. Акрамя таго працягвае дзейнiчаць забарона на рэалiзацыю насельнiцтву жывой птушкi на рынках. «Жывы тавар» дазваляецца рэалiзоўваць толькi птушкафабрыкам, прычым у строга адведзеных для гэтага месцах (на тэрыторыi ад 300 метраў да 1 кiламетра ад птушкафабрык) з выкананнем усiх неабходных правiлаў рэалiзацыi жывой птушкi. У прыватнасцi, патрабуецца дазвол ветэрынарнага спецыялiста на продаж. Паколькi зварот нерэалiзаванага маладняка птушкi на птушкафабрыку строга забаронены, патэнцыяльныя пакупнiкi павiнны загадзя прадставiць на птушкафабрыкi заяўкi аб колькасцi набываемага маладняка. Надзея НIКАЛАЕВА.
Чтобы разместить новость на сайте или в блоге скопируйте код:
На вашем ресурсе это будет выглядеть так
Днямi ў Беларусi распачалася вакцынацыя супраць птушынага грыпу свойскай птушкi ў населеных пунктах, размешчаных на адлегласцi 500 метраў ад адкрытых
|
|