Парк высокiх тэхналогiй: працэс станаўлення яшчэ не завершаны, але вынiкi ўжо ёсць

Источник материала:

На якiм этапе свайго развiцця Парк знаходзiцца сёння, што было зроблена за год, якiя цяжкасцi давялося пераадольваць, мы папрасiлi расказаць дырэктара адмiнiстрацыi ПВТ Валерыя ЦЭПКАЛУ.

— Гаворачы аб перспектывах развiцця эканомiкi i дабрабыту нашай краiны, Жарэс Алфёраў самым рэальным выйсцем для Беларусi назваў iнавацыйны шлях. У чым канкрэтна, на вашу думку, будзе заключацца ў блiжэйшыя гады дзяржаўная iнавацыйная палiтыка i якая роля ў гэтым працэсе адводзiцца ПВТ?

— Iнавацыя — гэта ўкараненне новай iдэi, новай распрацоўкi ў прадукт, якi можа мець камерцыйны поспех. У сучаснай эканомiцы ўсе вынаходнiцтвы ацэньваюцца з пункту гледжання iх магчымасцi прынесцi прыбытак. Сёння, сапраўды, шмат гаворыцца пра iнавацыйны шлях развiцця нашай краiны. Асабiста мне больш падабаецца iншы тэрмiн — «эканомiка, заснаваная на ведах», калi ўменнi, здольнасцi, ноў-хау ператвараюцца ў тавар. Характэрнай асаблiвасцю такой эканомiкi з’яўляецца тое, што ў створаным прадукце доля iнтэлектуальных затрат значна вышэйшая, чым доля матэрыялаў, з якiх ён быў выраблены.

Напрыклад, кошт мабiльнага тэлефона пры яго ўтылiзацыi складзе прыкладна тысячу беларускiх рублёў, хоць новы апарат можа каштаваць 500, 600 i нават тысячу долараў. Колькасць выкарыстанага матэрыялу ў такiм выпадку не з’яўляецца вызначальным фактарам рэальнага кошту прадукту i можа складаць усяго 0,01 працэнта цаны. Усё астатняе — гэта веды, тэхналогii, ноў-хау, гандлёвая марка i г.д.

У канцы 90-х гадоў Фiнляндыя трапiла ў сiтуацыю, падобную на нашу сённяшнюю. Пасля адмены клiрынгавай сiстэмы плацяжоў з Савецкiм Саюзам фiнская эканомiка апынулася ў глыбокiм крызiсе. Нагадаю, тая сiстэма ўяўляла сабой гандлёвы ўзаемазалiк: Савецкi Саюз экспартаваў фiнам нафту i газ, яны разлiчвалiся паперай, фарбамi, вопраткай i iншымi таварамi. З развалам Саюза перад фiнамi паўстала пытанне: куды збываць вызваленую таварную масу?

(Заканчэнне на 6-й стар.)