«Унукi сказалi, што да нас не паедуць»

26.08.2009 08:47 — |

Размер текста:: A; A; A

Источник материала:

Пісьмо ў нумар

На долю нашай Рудабельшчыны выпала шмат выпрабаванняў — была вайна, Чарнобыль. Людзi напакутавалiся тады. А многiя — пакутуюць i зараз. Бо была ў вёсцы ферма, воданапорная вежа, былi калонкi па вулiцы, была вада, а цяпер — няма. Нi грады палiць, нi адзежу памыць. Для кароў ваду прывозяць бочкамi. Ды хiба з iх жывёлу напоiш? А яшчэ горш — унукi сказалi, што раз такая праблема, на лета да нас не паедуць.

Гаварылi мы пра яе, здаецца, усiм, скардзiлiся. Прыязджала ў вёску начальства, глядзела, як тут што i абяцала зрабiць, але пакуль нiчога не прыдумала. Мы ўжо i самi гатовыя скiнуцца з пенсiй, нейкiя грошы сабраць... Бо хочацца ж i жыць у чысцiнi, i агурок якi вырасцiць, i ўнукаў прыняць. А без вады, як вы разумееце, нiчога не зробiш.

Уладзiмiр МАЛАКОВIЧ

i ўсе жыхары вёскi Новая Дубрава.

Акцябрскi раён.