Фiнальная нота — эканамiчная

Источник материала:

У прыватнасцi, на суд сенатараў былi прадстаўленыя бюджэт краiны на наступны год, змяненнi ў падатковым заканадаўстве, а таксама праект закона аб крэдытных гiсторыях, папраўкi ў закон аб свабодных эканамiчных зонах, праект закона аб ратыфiкацыi пагаднення з Расiяй аб рэгуляваннi пытанняў уласнасцi Саюзнай дзяржавы i шэраг iншых. Іх пракаментаваў журналiстам Сцяпан Пiсарэвiч, старшыня Пастаяннай камiсii Савета Рэспублiкi па эканомiцы, бюджэце i фiнансах:

— Гэта вельмi важныя законапраекты, у першую чаргу — падатковае заканадаўства. Мы на працягу ўсяго склiкання праводзiлi вялiкую работу па яго ўдасканаленнi. Была створана спецыяльная рабочая група пры Урадзе. Мэта была адна — зрабiць падатковую сiстэму прасцейшай, зменшыць колькасць падаткаў. Нормы падатковага заканадаўства павiнны мець характар прамога дзеяння. У гэтым рэчышчы ўносяцца змены i сёлета.

Пра меры, зафiксаваныя ў законапраекце, мы падрабязна пiсалi раней, калi ён разглядаўся нiжняй палатай. Тым не менш, нагадаем некаторыя з iх. Будзе знiжана стаўка збору для сельгасвытворцаў з двух працэнтаў для аднаго. Зменшыцца плата за рэгiстрацыю транспартных сродкаў, будзе ўстаноўлена стаўка падаходнага падатку ў памеры 12 працэнтаў. Усе прадугледжаныя змяненнi дазволяць знiзiць падатковую нагрузку на 1,3 працэнтнага пункта да ВУП i пакiнуць у распараджэннi суб’ектаў гаспадарання больш як два трыльёны рублёў.

Бюджэт дзяржавы на 2009 год захавае сацыяльную накiраванасць. "Павышэнне рэальных даходаў насельнiцтва — галоўная задача нашай краiны, як i павышэнне дабрабыту людзей, якасцi iх жыцця", — адзначыў сенатар. Закладзены ў бюджэце рост заробкаў, найперш у бюджэтнай сферы, арыентаваны на суму ў 550 долараў (у эквiваленце) да канца наступнага года. Больш высокiмi тэмпамi будуць фiнансавацца выдаткi на такiя сацыяльна значныя сферы, як ахова здароўя, адукацыя, спорт i iншае.

— Налета неабходна ўвесцi ў эксплуатацыю шэсць мiльёнаў квадратных метраў жылля, — дадаў сенатар. — У гэтай сувязi закладзеныя пэўныя сродкi ў выглядзе льготных крэдытаў для насельнiцтва.

Паразважаў Сцяпан Пiсарэвiч i наконт уплыву фiнансавага крызiсу на выкананне ўхваленага парламентам бюджэту-2009:

— Вядома ж, крызiс, калi, скажам, i не напрамую, а праз нейкi фондавы рынак, iншыя механiзмы, можа нас крануць. I перш за ўсё гэта знiжэнне попыту на нашу прадукцыю. У бюджэце закладзены даволi салiдныя механiзмы, якiя дазволяць кампенсаваць любыя змяненнi як на знешнiх рынках, так i на ўнутраным. У нас ёсць гарантыi ў бюджэце па росце заробку, забеспячэннi харчовай бяспекi нашай краiны i па забеспячэннi жыллём. Вось гэтыя прыярытэты, якiя закладзены ў бюджэце, яны непарушныя, i я думаю, што мы тут зможам справiцца. Вядома ж, самае галоўнае сёння — павышаць унутраны попыт. Нават калi нейкiя знешнiя фактары будуць уплываць на нашу прадукцыю, каб мы маглi за кошт унутраных крынiц павышаць сваю канкурэнтаздольнасць.