Прэзідэнт Беларусi адзначыў дзяржузнагародамi работнiкаў прамысловасцi, культуры, банкаўскай справы

Источник материала:

За шматгадовую плённую працу, дасягненне высокiх вытворчых паказчыкаў, значны ўклад у развiццё культуры, адукацыi, банкаўскай справы, будаўнiчай галiны, фiзiчнай культуры i спорту, заслугi ў воiнскай службе Прэзiдэнт Беларусi адзначыў дзяржаўнымi ўзнагародамi заслужаных людзей краiны. Указ аб гэтым Аляксандр Лукашэнка падпiсаў 4 снежня.

Ордэна Францыска Скарыны ўдастоены артыст-вакалiст вышэйшай катэгорыi Акадэмiчнага ансамбля песнi i танца Узброеных Сiлаў Цэнтральнага Дома афiцэраў Леанiд Некрашэвiч.

Медалём "За адзнаку ў воiнскай службе" ўзнагароджаны старшыя прапаршчыкi Сяргей Мамоля i Уладзiмiр Шышла, лейтэнант Павел Сташкевiч, медалём "За адзнаку ў ахове грамадскага парадку" — капiтан Антон Далiнчык.

Сярод узнагароджаных медалём "За працоўныя заслугi" — памочнiк Прэзiдэнта Рэспублiкi Беларусь па пытаннях фiзiчнай культуры, спорту i развiцця турызму Генадзь Аляксеенка, работнiкi ВА "Беларуськалiй", ААТ "Полацк-Шкловалакно" i iншыя.

Медалём Францыска Скарыны адзначаны мастацкi кiраўнiк Беларускай дзяржаўнай ордэна Працоўнага Чырвонага Сцяга фiлармонii Юрый Гiльдзюк, артыстка-вакалiстка, вядучы майстар сцэны Беларускага дзяржаўнага музычнага тэатра Ірына Заянчкоўская, вядучыя майстры сцэны Брэсцкага тэатра драмы i музыкi iмя Ленiнскага камсамола Беларусi Тамара Ляўчук i Мiхаiл Мятлiцкi, першы намеснiк старшынi Нацыянальнай дзяржаўнай тэлерадыёкампанii Беларусi Аляксандр Саламаха.

Генеральнаму дырэктару ААТ "Белпрамбудбанк" Галiне Кухарэнка i начальнiку фiлiяла гэтага банка па Магiлёўскай вобласцi Людмiле Паўлавай прысвоены ганаровы званнi заслужанага эканамiста.

Ганаровае званне заслужанага трэнера Беларусi прысвоена трэнеру-выкладчыку Мiнскай спецыялiзаванай дзiцяча-юнацкай школы алiмпiйскага рэзерву № 3 Уладзiмiру Сiнякевiчу, ганаровае званне заслужанага будаўнiка — начальнiку спецыялiзаванага будаўнiчага ўпраўлення № 159 РУП "Трэст № 26 Жалезабетонмантаж" г. Брэста Пятру Антанюку.