“Тут помню, тут не помню”,
04.04.2018
—
Разное
|
![]() Або пра новы фінт цыган, якія падманваюць пажылых людзей
Для нашага раёна, як і для ўсёй Брэсцкай вобласці ў цэлым, характэрны высокі ўзровень злачынстваў, якія здзяйсняюць асобы цыганскай народнасці ў адносінах да пажылых людзей.
І, на жаль, раскрываюцца гэтыя злачынствы надзвычай цяжка. Адна з прычын: пажылыя людзі самі лёгка ідуць на кантакт, дазваляюць невядомым прайдзісветам “швэндацца” па іх пакоях.
Прыкладна год назад мы паведамлялі праз “ІВ”, што нярэдка цыганы наведваюцца ў дамы, каб вывучыць тое, у якіх умовах пражывае чалавек, ці можна тут пажывіцца ў другі раз. А вось новы фінт: гэтыя госці, дэманструючы тавар, могуць украсці грошы і пакінуць нейкія швачныя вырабы, пасля чаго сцвярджаюць: гаспадыня купіла, вунь рэчы з этыкеткамі!
Горш за ўсё, што пасля бабуля нічога толкам не можа патлумачыць, бо па прычыне старэчай забыўчывасці не памятае: купляла яна ці не? Штосьці падобнае адбылося ў Даманаве, дзе такія вось “перасоўныя гандляры” з таварам наведалі састарэлую жанчыну, якая пасля не далічылася грошай, але ў пакоі знаходзіліся нейкая новая камізэлька, рэйтузы… Бабуля не можа патлумачыць дзецям: купляла яна гэтыя рэчы ці не?
Паспрабуй даказаць, што тут быў крадзеж, а не грамадзянска-прававыя адносіны, калі адзін прапанаваў, другі купіў.
Таму ў чарговы раз заклікаем: раз і назаўсёды скажыце “не” гандлярам, якія наведаліся да вас дадому з таварам. Просім кіраўніцтва сельвыканкамаў, старастаў паведамляць у міліцыю, калі ў вашы населеныя пункты наведаліся незнаёмцы гандляваць.
Андрэй БУРДЗЬ, начальнік аддзялення крымінальнага вышуку Івацэвіцкага РАУС.
Чтобы разместить новость на сайте или в блоге скопируйте код:
На вашем ресурсе это будет выглядеть так
Або пра новы фінт цыган, якія падманваюць пажылых людзей
|
|