Міністры замежных спраў Беларусі, Літвы і Украіны правядуць у Мінску трохбаковыя перамовы

Источник материала:

Міністры возьмуць удзел у трэцім раундзе трохбаковых кансультацый кіраўнікоў знешнепалітычных ведамстваў Беларусі, Літвы і Украіны. Папярэднія сустрэчы ў аналагічным фармаце адбыліся ў Вільнюсе ў лютым 2009 года і ў Кіеве ў лістападзе 2009 года.

Бакі маюць намер абмеркаваць стан і перспектывы развіцця ініцыятывы ЕС «Усходняе партнёрства», варыянты каардынацыі дзеянняў Беларусі, Украіны і Літвы ў мэтах прасоўвання агульных інтарэсаў у яе рамках, уключаючы рэалізацыю сумесных праектаў.

Удзельнікі сустрэчы таксама разгледзяць актуальныя пытанні беларуска-ўкраінскага і беларуска-літоўскага супрацоўніцтва.