Удзельнікам ХІІ Міжнароднага музычнага фестывалю "Залаты шлягер-2011"

Источник материала:

Дарагія сябры!

Віншую вас з адкрыццём ХІІ Міжнароднага музычнага фестывалю "Залаты шлягер-2011".

Гэтае цудоўнае свята ператварылася ў адну з буйных культурных акцый, што традыцыйна праводзяцца на беларускай зямлі, галоўнай мэтай якой з'яўляецца папулярызацыя лепшых узораў песеннага мастацтва.

За час свайго існавання "Залаты шлягер" набыў вядомасць і заваяваў заслужаны аўтарытэт. Дзякуючы фестывалю мы маем унікальную магчымасць пачуць незабыўныя творы мінулых гадоў у выкананні славутых майстроў сцэны.

Упэўнены, што і сёлета гэты культурны форум парадуе гледачоў яркімі адкрыццямі і цікавымі сустрэчамі з любімымі артыстамі.

Жадаю вам моцнага здароўя, творчага натхнення, маляўнічых уражанняў, шчасця і дабра.

Прэзідэнт Рэспублікі Беларусь Аляксандр Лукашэнка.