...

Источник материала:

   П'яны аўтаслесар СТА на чужым аўтамабiлi пратаранiў памяшканне аховы Генеральнага консульства Лiтвы ў Гродне. Уначы 28-гадовы аўтаслесар СПУП "Аўтааналiз" узяў аўтамабiль, што належаў iндывiдуальнаму прадпрымальнiку, i вырашыў пакатацца. Пры гэтым ён быў п'яны, да ўсяго не меў правоў на кiраванне транспартам. На павароце гора-вадзiцель не справiўся з кiраваннем, i "Опель" занесла ўлева. Праляцеўшы газон i тратуар — каля 30 метраў — аўтамабiль пратаранiў паставую будку ахоўнiка Генконсульства Лiтвы. Ахоўнiк паспеў выскачыць з будкi, аднак усё ж атрымаў траўму жывата. Пры ўсiм ён не разгубiўся i затрымаў парушальнiка. Толькi за парушэнне ПДД аўтаслесару пагражае штраф у памеры не менш за Br3,5 млн. Давядзецца адказваць таксама за выкраданне транспарту i яго пашкоджанне, а таксама за рамонт збудавання.

   За ноч з крамы ў вёсцы Белае Балота Рэчыцкага раёна зламыснiк вынес каля 10 адзiнак бытавой тэхнiкi i iншы тавар, якi знаходзiўся ў гандлёвай зале прамысловага аддзела. Невядомы перапiлаваў дужкi навяснога замка на дзвярах склада, затым — металiчныя краты i залез у гандлёвую залу вясковай крамы. Згодна з папярэдняй ацэнкай, сума скрадзенага перавысiла Br6,5 млн.

  ПОЎНЫ АБЗАЦ        Брытанскi пенсiянер, якi паставiў пастку на мышэй, куды папаўся суседскi кот, атрымаў год турэмнага зняволення ўмоўна за жорсткае абыходжанне з жывёламi i неасцярожнае абыходжанне з небяспечным прыстасаваннем. Калi 75-гадовы Фрэнсiс Дан з горада Уэймут паставiў у суседскiм садзе пастку, ён рабiў гэта з самых добрых памкненняў, разлiчваючы дапамагчы людзям у барацьбе з мышамi i пацукамi, якiя распладзiлiся. Аднак ахвярай сталi не шэрыя грызуны, а кот пароды руская блакiтная па мянушцы Блю. Ката прыцягнуў пах сечанай ялавiчыны, якую Фрэнсiс выкарыстаў у якасцi прынады. Рычаг пасткi сцiснуў шыю жывёлiны з такой сiлай, што праз некалькi хвiлiн Блю загiнуў ад задушкi. Ветэрынар, якi выступаў на судзе, канстатаваў, што смерць ката была вельмi пакутлiвай. Суд прыгаварыў былога муляра да 12 месяцаў умоўнага турэмнага заключэння i абавязаў яго аплацiць судовыя выдаткi ў памеры 300 фунтаў стэрлiнгаў. Акрамя таго, сусед Дана заявiў, што мае намер зноў звярнуцца ў суд i дабiцца вяртання 220 фунтаў, патрачаных на набыццё пародзiстай жывёлiны.