З’явілася яшчэ адна гарэлка з беларускім брэндам — «Сваяк»

Источник материала:

Яе вытворцы рэкламуюць яе як «напой для ўпэўненых мужчынаў».

Яны цвердзяць, што вырабляюць яе на сучасным высокатэхналагічным абсталяванні з устаноўкай «плацінавай фільтрацыі». Кошт гэтага інвестыцыйнага праекту складае 10 млн даляраў ЗША.

Для «Сваяка» распрацаваныя спецыяльныя рэцэптуры, якія адлюстроўваюцца ў назвах: «Хлебная», «На бярозавых пупышках», «Кедравая», «Журавiнавая», «Лiпа з мёдам».

Назва «Сваяк» напісаная на беларускай мове, што адразу падкрэслівае нацыянальную прыналежнасць гандлёвай маркі. На бакавой грані бутэлькі — 5 традыцыйных тостаў: «За сустрэчу», «За здароўе», «За каханне», «За бацькоў» і «За сваякоў».

Вырабляе напой і прасоўвае новы брэнд Мінскі завод вінаградных вінаў.