На Полаччыне Дзед Мароз будзе прымаць скаргі ад насельніцтва

17 Дзедаў Марозаў будуць дзяжурыць у сельсаветах Полаччыны.

Яны будуць прымаць не толькі заказы на наведванне школ, жывёлагадоўчых комплексаў, ветэранаў і дзетак, але і скаргі ад насельніцтва. Кожнаму Дзеду Марозу дадуць журнал. Ён будзе туды запісваць, на што паскардзіліся людзі, а потым даводзіць гэта да старшыні сельскага савета.

Дзяжурыць Дзеды Марозы будуць цягам двух тыдняў. Хто будзе кантраляваць, каб сельскія ўлады выканалі скаргі вяскоўцаў, невядома.