"Час для ўспамінаў" былых жыхароў выселеных вёсак Старыя і Новыя Грамыкі

26 красавіка спаўняецца 26 год, як адбылася Чарнобыльская катастрофа. Да гэтай даты гомельская ініцыятыва kli4nik.film зняла гісторыка-дакументальны фільм: "Час для ўспамінаў".

Відэа прысвечанае вёскам Старыя і Новыя Грамыкі Веткаўскага р-на Гомельскай вобласці. Фільм грунтуецца на ўспамінах былых іх жыхароў аб шляхце (раней вёскі былі шляхецкімі ваколіцамі), аб складаным рэлігійным жыцці, утрымлівае невядомыя факты аб савецкім дыпламаце Андрэі Грамыка і г. д.

Пасля Чарнобыльскай катастрофы вёскі былі выселеныя. Сёння іх былыя жыхары па-сапраўднаму адчулі, што згубілі сваю Малую Радзіму. Аб ёй яны зараз могуць толькі ўзгадваць...